ယဟိဝၤပှၤအုၣ်အသးတဖၣ် အတၢ်အိၣ်ဖှိၣ်န့ၣ် ကမၤစၢၤနၤဒ်လဲၣ်

နလဲၤထီၣ်ဘၣ် ယဟိဝၤပှၤအုၣ်အသးတဖၣ် အတၢ်အိၣ်ဖှိၣ် တဘျီဘျီဧါ. နမ့ၢ်တလဲၤထီၣ်ဘၣ် နီတဘျီဒံးဘၣ်န့ၣ် ဖဲနလဲၤထီၣ် အဆိကတၢၢ်တဘျီအခါ ဘၣ်သ့ၣ်သ့ၣ် နကဘၣ်ယိၣ်တၢ်. ဘၣ်သ့ၣ်သ့ၣ် နကဆိကမိၣ်ဘၣ်လၢ ‘ဖဲပှၤထီၣ်တၢ်အိၣ်ဖှိၣ်အခါ ပှၤမၤမနုၤလဲၣ်. ဘၣ်မနုၤအဃိ တၢ်အိၣ်ဖှိၣ်တဖၣ်အံၤ အရ့ဒိၣ်လဲၣ်. ဘၣ်မနုၤအဃိ ယကြၢးလဲၤထီၣ် တၢ်အိၣ်ဖှိၣ်လဲၣ်.’ လၢတၢ်မၤလိအံၤအပူၤ နကမၤလိဘၣ်လၢ တၢ်ထီၣ်သကိး တၢ်အိၣ်ဖှိၣ်ဃုာ်ဒီးပှၤဂၤန့ၣ် ကကဲဘျုးလၢနဂီၢ် ဒီးကမၤစၢၤနၤ လၢနကမၤဂၢၢ်ကျၢၤထီၣ် နတၢ်ရ့လိာ်သးဒီး ကစၢ်ယွၤ.

၁. ဘၣ်မနုၤအဃိ ယဟိဝၤပှၤအုၣ်အသးတဖၣ် ထီၣ်သကိးတၢ်အိၣ်ဖှိၣ်လဲၣ်.

ဘၣ်မနုၤအဃိ ယဟိဝၤပှၤအုၣ်အသးတဖၣ် ထီၣ်သကိးတၢ်အိၣ်ဖှိၣ်လဲၣ်န့ၣ် ပှၤကွဲးထါ စံးထီၣ်ပတြၢၤတဂၤ တဲဝဲလၢ “လၢတၢ်အိၣ်ဖှိၣ်ဖးဒိၣ်အပူၤန့ၣ် ယကစံးထီၣ်ပတြၢၤ ယဟိဝၤယွၤလီၤ.” (စံးထီၣ်ပတြၢၤ ၂၆:၁၂) မုၢ်မဆါတနံၤအံၤစ့ၢ်ကီး ဖဲယဟိဝၤပှၤအုၣ်အသးတဖၣ် ထီၣ်သကိးတၢ်အိၣ်ဖှိၣ်အခါ အဝဲသ့ၣ် သးခုဒိၣ်မး. လၢဟီၣ်ခိၣ်ဒီဘ့ၣ်ညါန့ၣ် ယဟိဝၤပှၤအုၣ်အသးတဖၣ် အိၣ်ဖှိၣ်သကိးတပူၤဃီ ကိးနွံဒဲး ဒ်သိး ကဘူၣ်ထီၣ်ဘါထီၣ်ကစၢ်ယွၤ, ကသးဝံၣ်စံးထီၣ်ပတြၢၤအီၤ ဒီးကဃ့ထုကဖၣ်လီၤ. တနံၣ်ဘၣ်တနံၣ်န့ၣ် အဝဲသ့ၣ်ထီၣ်စ့ၢ်ကီး တၢ်အိၣ်ဖှိၣ်ဖးဒိၣ် လၢကဘူၣ်ထီၣ်ဘါထီၣ် ကစၢ်ယွၤအဂီၢ်လီၤ.

၂. ဖဲနလဲၤထီၣ်ပတၢ်အိၣ်ဖှိၣ်အခါ နကမၤလိဘၣ်မနုၤလဲၣ်.

ဖဲပထီၣ်တၢ်အိၣ်ဖှိၣ်အခါ ပှၤသိၣ်လိပှၤလၢ ကစၢ်ယွၤအကလုၢ်ကထါ “ဒီးတဲပၠးဝဲ လီၤတံၢ်လီၤဆဲး ဒီးတဲဖျါထီၣ် တၢ်ကတိၤတဖၣ် အခီပညီစ့ၢ်ကီးလီၤ.” (ဖး နဃ့မယၤ ၈:၈.) နမ့ၢ်လဲၤထီၣ် ပတၢ်အိၣ်ဖှိၣ်န့ၣ် နကမၤလိဘၣ် ဘၣ်ဃးဒီး ယဟိဝၤယွၤ ဒီးအတၢ်ဂ့ၤတၢ်ဝါတဖၣ်အဂ့ၢ်. တကးဒံးဘၣ် နမ့ၢ်သ့ၣ်ညါအါထီၣ်ဘၣ်လၢ ကစၢ်ယွၤအဲၣ်နၤထဲလဲၣ်န့ၣ် နကအဲၣ်ဒိးမၤဂၢၢ်ကျၢၤထီၣ် နတၢ်ရ့လိာ်သးဒီးအီၤလီၤ. လၢတၢ်အိၣ်ဖှိၣ်န့ၣ် နကမၤလိဘၣ်စ့ၢ်ကီးလၢ ဒ်သိး နကအိၣ်ဒီးတၢ်အိၣ်မူ လၢအလီၤသူၣ်မံသးမုာ်အဂီၢ် ကစၢ်ယွၤ မၤစၢၤနၤသ့.​—ယၡါယၤ ၄၈:​၁၇, ၁၈.

၃. နမ့ၢ်ရ့ဒီး ပှၤလၢအအိၣ်လၢ ပတၢ်အိၣ်ဖှိၣ်ပူၤန့ၣ် ကကဲဘျုး လၢနဂီၢ်ဒ်လဲၣ်.

ယဟိဝၤယွၤ မၤလိာ်ပှၤလၢ ပက “ဆိကမိၣ်န့ၢ်တၢ်လၢ တဂၤဒီးတဂၤအဂီၢ် ဒ်သိး ကထိၣ်ဟူးထိၣ်ဂဲၤထီၣ်လိာ်သး လၢကပာ်ဖျါထီၣ် တၢ်အဲၣ်တၢ်ကွံ ဒီးတၢ်မၤလၢအဂ့ၤတဖၣ်” ဒီးတဲစ့ၢ်ကီးဝဲလၢ “ဟးဆှဲး ပတၢ်အိၣ်ဖှိၣ်” တဂ့ၤ. (ဧ့ၤဘြံၤ ၁၀:​၂၄, ၂၅) လၢပတၢ်အိၣ်ဖှိၣ်န့ၣ် နကထံၣ်လိာ်သးဒီး ပှၤလၢ အသးအိၣ်လိာ်သးနီၢ်ကီၢ် ဒီးပှၤလၢ အသးအိၣ် မၤလိအါထီၣ်ဘၣ်ဃး ကစၢ်ယွၤအဂ့ၢ် ဒ်သိးဒီးနၤလီၤ. နကနၢ်ဟူဘၣ် တၢ်ဟ့ၣ်ဂံၢ်ဟ့ၣ်ဘါတဖၣ် လၢအအိၣ်လၢ လံာ်စီဆှံအပူၤ. (ဖး ရိမ့ၤ ၁:​၁၁, ၁၂.) လၢတၢ်အိၣ်ဖှိၣ်န့ၣ် နကရ့ဘၣ်ဒီး ပှၤလၢအသဘျ့မ့ၢ်ဂ့ၤ, ပှၤလၢအဆီဟံၣ်ဆီဃီဝံၤမ့ၢ်ဂ့ၤ ဒီးနကထံၣ်ဘၣ်လၢ အဝဲသ့ၣ်အိၣ်ဒီး တၢ်ကီတၢ်ခဲဘၣ်ဆၣ် အဝဲသ့ၣ်သးခုဒံး. လၢတၢ်ဂ့ၢ်တဖၣ်အံၤအဃိ ယဟိဝၤယွၤ အဲၣ်ဒိးလၢ ပကထီၣ်သကိး တၢ်အိၣ်ဖှိၣ်ထီဘိ.

ဃုသ့ၣ်ညါအါထီၣ်

၄. ယဟိဝၤပှၤအုၣ်အသးတဖၣ် အတၢ်အိၣ်ဖှိၣ်

ခရံာ်ဖိလၢညါတဖၣ် အိၣ်ဖှိၣ်သကိးတပူၤဃီ ဒ်သိးကဘူၣ်ထီၣ်ဘါထီၣ် ယဟိဝၤယွၤ ထီဘိလီၤ. (ရိမ့ၤ ၁၆:​၃-၅) ဖး ကလီးစဲ ၃:၁၆ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ခရံာ်ဖိလၢညါတဖၣ်န့ၣ် ဘူၣ်ထီၣ်ဘါထီၣ် ယဟိဝၤယွၤဒ်လဲၣ်.

တၢ်ဂီၤမူ– ဖဲဘီမုၢ်ဘျီၣ်ဒိၣ်န့ၣ် ပှၤမၤတၢ်မနုၤလဲၣ် (၂:၁၂)

• တၢ်လၢနထံၣ်ဘၣ်လၢ ပှၤမၤအီၤဖဲဘီမုၢ်ဘျီၣ်ဒိၣ် ဒီးတၢ်လၢနဖးဘၣ်ဖဲ ကလီးစဲ ၃:၁၆ န့ၣ်အလီၤဂာ်လိာ်သးဒ်လဲၣ်.

• ဘၣ်ဃးဒီး ပှၤမၤတၢ်အိၣ်ဖှိၣ်အဂ့ၢ်လၢ နထံၣ်ဘၣ်လၢ တၢ်ဂီၤမူ မ့တမ့ၢ် တၢ်ဂီၤပူၤန့ၣ် တၢ်လၢနဘၣ်သူၣ်ဘၣ်သး အိၣ်တခါခါဧါ.

ဖး ၂ ကရံၣ်သူး ၉:၇ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ဖဲယဟိဝၤပှၤအုၣ်အသးတဖၣ် ထီၣ်တၢ်အိၣ်ဖှိၣ်အခါ ဘၣ်မနုၤအဃိ အဝဲသ့ၣ် တထၢတၢ်မၤဘူၣ်ဘၣ်လဲၣ်.

လၢတနွံအံၤတၢ်အိၣ်ဖှိၣ်န့ၣ် ပှၤကမၤလိသကိး တၢ်ဂ့ၢ်မနုၤလဲၣ်န့ၣ် တဲသကိးဒီး ပှၤလၢအမၤလိနၤ လံာ်စီဆှံ.

• နဆိကမိၣ် တၢ်အိၣ်ဖှိၣ်အတၢ်ရဲၣ်တၢ်ကျဲၤ လၢနကဘၣ်သူၣ်ဘၣ်သးအီၤ ဒိၣ်ကတၢၢ် ဒီးအကကဲဘျုးလၢနဂီၢ် အါကတၢၢ်န့ၣ် ကမ့ၢ်ဖဲလဲၣ်တခါလဲၣ်.

မ့ၢ်နသ့ၣ်ညါဧါ

လၢဟီၣ်ခိၣ်ဒီဘ့ၣ်ညါန့ၣ် ပှၤထီၣ်တၢ်အိၣ်ဖှိၣ်ဖဲလဲၣ် ဒီးလၢအဆၢကတီၢ်ဖဲလဲၣ်န့ၣ် နဃုကွၢ်အီၤလၢ jw.org အပူၤသ့.

1. ၁. ပတၢ်အိၣ်ဖှိၣ်န့ၣ် ပၣ်ဃုာ်ဒီး တၢ်စံၣ်တဲၤတဲလီၤတၢ် လၢကမျၢၢ်အဂီၢ်, တၢ်ဒုးနဲၣ်တၢ်အဒိတဖၣ် ဒီးတၢ်ဂီၤမူတဖၣ်. ပတၢ်အိၣ်ဖှိၣ်န့ၣ် ပစးထီၣ်အီၤ ဒီးမၤကတၢၢ်အီၤ လၢတၢ် သးဝံၣ်ဒီး တၢ်ထုကဖၣ်

2. ၂. တၢ်အိၣ်ဖှိၣ် အတၢ်ရဲၣ်တၢ်ကျဲၤတနီၤန့ၣ် ပှၤဟ့ၣ်ထီၣ်တၢ်စံးဆၢသ့

3. ၃. ဟံၣ်ဖိဃီဖိမ့ၢ်ဂ့ၤ, ပှၤသဘျ့မ့ၢ်ဂ့ၤ, ပှၤသးပှၢ်မ့ၢ်ဂ့ၤ ဒီးပှၤဖိသၣ်မ့ၢ်ဂ့ၤ ပတူၢ်လိာ်မုာ်ပှၤကိးဂၤဒဲး

4. ၄. နကထီၣ်တၢ်အိၣ်ဖှိၣ်အဂီၢ် နတလိၣ်ဟ့ၣ်စ့ဘၣ်. ယဟိဝၤပှၤအုၣ်အသးတဖၣ် တထၢတၢ်မၤဘူၣ်ဘၣ်

၅. ဒ်သိးနကထီၣ်ဘၣ် တၢ်အိၣ်ဖှိၣ်အဂီၢ် နကဘၣ်ဂုာ်ကျဲးစၢး

ခဲအံၤ ပကတဲသကိး ယ့ၣ်ၡူး အဟံၣ်ဖိဃီဖိအဂ့ၢ်. ဖဲအဝဲသ့ၣ်အိၣ်လၢ ဝ့ၢ်နစၤရ့းအခါ ကိးနံၣ်ဒဲးန့ၣ် ဒ်သိးအဝဲသ့ၣ် ကလဲၤလၢတၢ်လုၢ်ဟံၣ် လၢအအိၣ်လၢ ဝ့ၢ်ယရူၤၡလ့ၣ်အဂီၢ် အဝဲသ့ၣ် ဘၣ်ဟးဝဲလၢခီၣ် လၢကစၢၢ်ကလိကျါန့ၣ် ကယံာ်ဝဲ သၢသီညါ. ဖး လူၤကၣ် ၂:​၃၉-၄၂ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ဒ်သိး အဝဲသ့ၣ် ကလဲၤလၢ ဝ့ၢ်ယရူၤၡလ့ၣ်အဂီၢ် နဆိကမိၣ် အဝဲသ့ၣ် ကဘၣ်ဂုာ်ကျဲးစၢးဝဲဧါ.

• ဒ်သိး နကထီၣ်ဘၣ် တၢ်အိၣ်ဖှိၣ်အဂီၢ် ဘၣ်မနုၤအဃိ နကဘၣ်ဂုာ်ကျဲးစၢးလဲၣ်.

• ဒ်သိး နကထီၣ်ဘၣ် တၢ်အိၣ်ဖှိၣ်အဂီၢ် နမ့ၢ်ဘၣ်ဂုာ်ကျဲးစၢးဘၣ်ဆၣ် နမ့ၢ်ထီၣ်တၢ်အိၣ်ဖှိၣ်န့ၣ် နဆိကမိၣ် အကကဲဘျုးလၢနဂီၢ်ဧါ. ဘၣ်မနုၤအဃိ နဆိကမိၣ်ဒ်န့ၣ်လဲၣ်.

• ဘၣ်မနုၤအဃိ ပကြၢးထီၣ်တၢ်အိၣ်ဖှိၣ် ထီဘိလဲၣ်.

တၢ်ဂ့ၢ်လၢအရ့ဒိၣ်

တၢ်အိၣ်ဖှိၣ်န့ၣ် ကမၤစၢၤနၤလၢ နကသ့ၣ်ညါအါထီၣ် ယဟိဝၤယွၤအဂ့ၢ်, ကမၤဂၢၢ်ကျၢၤထီၣ် နတၢ်ရ့လိာ်သးဒီး ယဟိဝၤယွၤ ဒီးလၢတၢ်အိၣ်ဖှိၣ်န့ၣ် နကဘူၣ်ထီၣ်ဘါထီၣ်ဘၣ်ယဟိဝၤယွၤ ဃုာ်ဒီးပှၤလၢ အဘူၣ်ထီၣ်ဘါထီၣ်အီၤ.

တၢ်ကွၢ်ကဒါက့ၤ

• ဘၣ်မနုၤအဃိ ယဟိၤယွၤ ဟ့ၣ်ဂံၢ်ဟ့ၣ်ဘါပှၤလၢ ပကထီၣ်သကိး တၢ်အိၣ်ဖှိၣ်လဲၣ်.

• ဖဲယဟိဝၤပှၤအုၣ်အသးတဖၣ် ထီၣ်တၢ်အိၣ်ဖှိၣ်အခါ အဝဲသ့ၣ်မၤ မနုၤလဲၣ်.

• နမ့ၢ်ထီၣ်တၢ်အိၣ်ဖှိၣ်န့ၣ် နဆိကမိၣ် တၢ်လၢအကကဲဘျုးလၢနဂီၢ် ကအိၣ်ဒံးတမံၤမံၤဧါ.

ဃုသ့ၣ်ညါ

နကလဲၤထီၣ်တၢ်အိၣ်ဖှိၣ်အဂီၢ် နဘၣ်ယိၣ် တၢ်ဧါ. နမ့ၢ်ဘၣ်ယိၣ်တၢ်န့ၣ် ကွၢ်တၢ်ဂီၤမူ လၢအပာ်ဖျါထီၣ်ဝဲ ပိာ်ခွါတဂၤ အဘၣ်ယိၣ်တၢ်ဒ်သိးဒီးနၤ ဘၣ်ဆၣ်လၢခံ အဝဲထီၣ်တၢ်အိၣ်ဖှိၣ်မုာ်မး.

ပတသးပ့ၤနီၣ် အဝဲသ့ၣ် အတၢ်ဆၢဂ့ၤဆၢဝါ နီတဘျီဘၣ် (၄:၁၆)

ကွၢ်တၢ်ဂီၤမူလၢ အပာ်ဖျါထီၣ်ဝဲ ပိာ်ခွါသးစၢ်တဂၤ ထီၣ်တၢ်အိၣ်ဖှိၣ်မုာ်မး ဒီးဒ်သိး အကဆဲးထီၣ်ဘၣ် တၢ်အိၣ်ဖှိၣ်အဂီၢ် အဘၣ်မၤဝဲ တၢ်မနုၤလဲၣ်.

ယထီၣ်တၢ်အိၣ်ဖှိၣ်မုာ်မး (၄:၃၃)

ဖးကွၢ် တၢ်ဂ့ၢ်လၢအပာ်ဖျါထီၣ်ဝဲ ပှၤဂၤအတၢ်ထံၣ် ဘၣ်ဃးဒီး တၢ်လဲၤထီၣ်တၢ်အိၣ်ဖှိၣ်.

“ဘၣ်မနုၤအဃိ ပဘၣ်လဲၤထီၣ်တၢ်အိၣ်ဖှိၣ်လၢ ဘီမုၢ်ဘျီၣ်ဒိၣ်လဲၣ်” (တၢ်မၤလိလၢ အအိၣ်လၢ online အဖီခိၣ်)

ပှၤပိာ်ခွါလၢ အပၣ်ဃုာ်လၢ ပှၤမၢးဖိ လၢအမၤဆူၣ်မၤစိးတၢ် အကျါတဂၤ ဖဲအထီၣ်ဘၣ် ယဟိဝၤပှၤအုၣ်အသးတဖၣ် အတၢ်အိၣ်ဖှိၣ်အခါ အတၢ်အိၣ်မူ ဆီတလဲဒ်လဲၣ်န့ၣ် ဖးကွၢ်.

“လၢညါ ယမ့ၢ်ဟးတပူၤဂ့ၤတပူၤဂ့ၤန့ၣ် ယဟးစိာ်ဒီးယကျိထီဘိ” (တၢ်ဂ့ၢ်လၢ အအိၣ်လၢ တၢးထီခိးတၢ် အပူၤ)