တၢ်ကမၣ် မ့တမ့ၢ် တၢ်ဒဲးဘး

တၢ်အဒိအတဲာ်လၢ လံာ်စီဆှံပူၤ–

• ၂ မူၤ ၁၁:၂-၅, ၁၄, ၁၅, ၂၆, ၂၇; ၁၂:၁-၁၃—စီၤပၤဒၤဝံး မၤဘၣ်တၢ်ကမၣ်ဖးဒိၣ်အဃိ အဘၣ်တၢ်သိၣ်က့ၤသီက့ၤအီၤဆူၣ်ဆူၣ် ဒီးအပာ်ဖျါထီၣ်လၢ အပီၢ်ယၢ်လီၤက့ၤအသးနီၢ်ကီၢ်.

• ရိ ၇:၁၅-၂၄—စီၤပီလူး အိၣ်ဒီးတၢ်နာ် ဒီးတီဒီးကစၢ်ယွၤ ဘၣ်ဆၣ် အဘၣ်ဂုာ်ကျဲးစၢးဝဲဆူၣ်ဆူၣ် ဒ်သိး ကတြီဆၢဝဲ အတၢ်ဆိကမိၣ်လၢအတဂ့ၤ ဒီးအတၢ်သူၣ်လီသးကွံလၢ အကမၣ်ဒံး.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၃:၁-၆—ဒ်သိး နီၢ်အံၣ်အု ကအဲၣ်လီၤထဲ အနီၢ်ကစၢ်သး, ကအိၣ်ဒီး တၢ်သူၣ်လီသးကွံ ဒီးတနာ်န့ၢ် ကစၢ်ယွၤ လၢၤတဂ့ၤအဂီၢ်န့ၣ် မုၣ်ကီၤလံၢ် သူဝဲဂုၢ်ဒ်သိး ကကွဲန့ၢ်လွဲန့ၢ်အီၤ.

• ကတိၤ ၇:၆-၁၀, ၂၁-၂၃—စီၤပၤၡလိၤမိၤ ၡဲပၠးဝဲလၢ ပိာ်ခွါသးစၢ်လၢ အတၢ်လဲၤခီဖျိစှၤတဂၤန့ၣ် ပိာ်မုၣ်လၢအလုၢ်လၢ်သကဲာ်ပဝး တဂ့ၤဘၣ်တဂၤ ကွဲန့ၢ်လွဲန့ၢ်အီၤန့ၢ်ဝဲ.

တၢ်အဒိအတဲာ်လၢ လံာ်စီဆှံပူၤ–

• ကတိၤ ၅:၁-၁၄—ယဟိဝၤယွၤ သူဝဲ စီၤၡလိၤမိၤ ဒ်သိးကပာ်ဖျါထီၣ်ဝဲလၢ ဘၣ်မနုၤအဃိ ကဘၣ်ဟးဆှဲး တၢ်မၤကမၣ်မုၣ်ကမၣ်ခွါလဲၣ် ဒီးကဘၣ်ဟးဆှဲးဝဲဒ်လဲၣ်.

• မး ၄:၁-၁၁—ယ့ၣ်ၡူးသူဝဲ ကစၢ်ယွၤအကလုၢ်ကထါ ဒ်သိးကတြီဆၢဝဲ မုၣ်ကီၤလံၢ် အတၢ်လ့ပစီအဂီၢ်.

တၢ်အဒိအတဲာ်လၢ လံာ်စီဆှံပူၤ–

• ၂ မိၤ ၂၂:၁-၁၂—စီၤမိၤၡ့ အတၢ်သိၣ်တၢ်သီအိၣ်ဝဲလၢ ပှၤလၢအဟုၣ်တၢ်တဂၤန့ၣ် ကဘၣ်လိးကဒါက့ၤ ပှၤလၢအဟုၣ်ဝဲတဂၤန့ၣ်အတၢ်.

• လူၤ ၁၉:၈, ၉—စီၤစးဃဲ လၢအမ့ၢ် ပှၤထၢတၢ်ခိတၢ်သွဲအခိၣ်တဂၤန့ၣ် ပီၢ်ယၢ်လီၤက့ၤအသးခီဖျိ အတလံၣ်အီၣ်လီအီၣ် ပှၤစ့လၢၤဘၣ် ဒီးအဝဲဟ့ၣ်က့ၤ ပှၤလၢအလံၣ်အီၣ်လီအီၣ်ဝဲတဖၣ်အစ့.

တၢ်အဒိအတဲာ်လၢ လံာ်စီဆှံပူၤ–

• ၡူ ၇:၁-၁၃, ၂၀-၂၆— စီၤဧၤကၣ် မၤဘၣ်တၢ်ကမၣ်ဖးဒိၣ် ခီဖျိ အဟံန့ၢ်ဝဲ တၢ်ဖိတၢ်လံၤတနီၤ ဒီးပာ်ခူသူၣ်ဝဲအဃိ အဒုးလီၤဘၣ် ပှၤအံၣ်စရ့လးဖိ ခဲလၢာ်လၢ တၢ်နးတၢ်ဖှီၣ်.

• နါ ၁:၁-၁၆—ခီဖျိလၢ ဝံယိၤနါ တမၤထွဲ ယဟိဝၤယွၤ အတၢ်ဟံးစုနဲၣ်ကျဲဘၣ်အဃိ ဝံယိၤနါ ဒီးပှၤကဘီဖိခဲလၢာ်န့ၣ် အသးသမူ တၢ်လီၤဘၣ်ယိၣ်အိၣ်.

• ၁ ကရံၣ် ၅:၁-၇—တၢ်မၢဖိပီလူး ပာ်ဖျါထီၣ်ဝဲလၢ ပှၤလၢကရံၣ်သူး အတၢ်အိၣ်ဖှိၣ်ပူၤတဂၤ မၤတၢ်ကမၣ်ဖးဒိၣ်အဃိ ကဲထီၣ်တၢ်လီၤဘၣ်ယိၣ်လၢ တၢ်အိၣ်ဖှိၣ်ဒီတဖုအဂီၢ်.

တၢ်အဒိအတဲာ်လၢ လံာ်စီဆှံပူၤ–

• ၅ မိၤ ၁၃:၆-၉; ၂၁:၁၈-၂၀—စီၤမိၤၡ့အတၢ်သိၣ်တၢ်သီ အိၣ်ဝဲလၢ ပှၤတဂၤ အဟံၣ်ဖိဃီဖိ မ့တမ့ၢ် ပှၤလၢအအဲၣ်ဝဲတဂၤ မ့ၢ်မၤဘၣ်တၢ်ကမၣ်ဖးဒိၣ်န့ၣ် အကဘၣ်ပာ်ဖျါထီၣ်ဝဲ.