ပၢ်
လၢဟံၣ်ပူၤန့ၣ် ပါတဂၤ အိၣ်ဒီးမူဒါဒ်လဲၣ်.
၅ မိၤ ၆:၆, ၇; အ့း ၆:၄; ၁ တံၤ ၅:၈; ဧ့ၤ ၁၂:၉, ၁၀
တၢ်အဒိအတဲာ်လၢ လံာ်စီဆှံပူၤ–
၁ မိၤ ၂၂:၂; ၂၄:၁-၄—စီၤအၤဘြၤဟၣ် အဲၣ်အဖိခွါ စီၤအံၤစဲး ဒိၣ်မးအဃိ အကျဲးစၢးဝဲလၢ အဂ့ၤကတၢၢ် ဒ်သိး ကဃုန့ၢ်အဖိခွါအမါလၢ အအဲၣ်ယဟိဝၤယွၤ.
မး ၁၃:၅၅; မၢ် ၆:၃—ယ့ၣ်ၡူးန့ၣ် ပှၤကိးအီၤလၢ “ပှၤစုသ့ဖိတဂၤ အဖိခွါ” ဒီး “ပှၤစုသ့ဖိတဂၤ” အဃိ ပသ့ၣ်ညါဘၣ်လၢ စီၤယိၤသး ကသိၣ်လိဝဲ အဖိခွါအံၤလၢ တၢ်စုသ့ခီၣ်ဘၣ်ဂ့ၤဂ့ၤ.
ဘၣ်မနုၤအဃိ ပၢ်န့ၣ်အဟံၣ်ဖိဃီဖိ ကဘၣ်အဲၣ်အီၤဒီး ပာ်ကဲအီၤလဲၣ်.
ကွၢ်စ့ၢ်ကီး မး ၆:၉
တၢ်အဒိအတဲာ်လၢ လံာ်စီဆှံပူၤ–
ဟိၤ ၁၁:၁, ၄—ဒ်ပါတဂၤအသိး ယဟိဝၤယွၤ သိၣ်လိဝဲ အပှၤဂီၢ်မုၢ်တဖၣ် ဒီးကဟုကယာ် အဝဲသ့ၣ် လၢတၢ်အဲၣ်တၢ်ကွံအပူၤ. အဃိ ယဟိဝၤယွၤ ပာ်လုၢ်ပာ်ပှ့ၤဝဲ ပါတဖၣ် ခီဖျိ အပာ်လီၤတၢ်ဒိဂ့ၤတဲာ်ဘၣ် လၢအဝဲသ့ၣ်အဂီၢ်.
လူၤ ၁၅:၁၁-၃၂—ယ့ၣ်ၡူးပာ်ဖျါထီၣ်လၢ အပာ်လုၢ်ပာ်ပှ့ၤ ဒီးပာ်ကဲဝဲပါတဖၣ် ခီဖျိအတဲဝဲ တၢ်ကတိၤဒိလၢအဘၣ်ဃးဒီး ယဟိဝၤယွၤ မ့ၢ်ပါလၢအအိၣ်ဒီး တၢ်အဲၣ်တၢ်ကွံ ဒီးဖဲပှၤမၤတၢ်ကမၣ်တဂၤ ပီၢ်ယၢ်လီၤက့ၤသးအခါ အပျၢ်ကွံာ်ပှၤတၢ်ကမၣ်.