ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ | နတၢ်သးခု ကအါထီၣ်လၢ တၢ်သးခုကစီၣ်တၢ်မၤအပူၤအဂီၢ်
သိၣ်လိတၢ်ဒ်သိးကထုးန့ၢ်ပှၤဂၤအသး
တၢ်ဒိကနၣ် ကစၢ်ယွၤအကလုၢ်န့ၣ် မ့ၢ်တၢ်လၢ အဟဲထီၣ်လၢပှၤသးပူၤလီၤ. (ကတိၤ. ၃:၁) လၢတၢ်န့ၣ်အဃိ ဖဲပသိၣ်လိတၢ်အခါ ပကဘၣ်ဂုာ်ကျဲးစၢးသိၣ်လိတၢ် ဒ်သိးကထုးန့ၢ်ပှၤသးအဂီၢ်လီၤ. ပကဘၣ်မၤဒ်လဲၣ်.
ထဲဒၣ် နသိၣ်လိပှၤမၤလိလံာ်စီဆှံဖိလၢ လံာ်စီဆှံတၢ်မ့ၢ်တၢ်တီန့ၣ် တလၢပှဲၤဒံးဘၣ်. မၤစၢၤနပှၤမၤလိ လံာ်စီဆှံဖိ ဒ်သိးကနၢ်ပၢၢ်ထီၣ်ဝဲလၢ တၢ်ဂ့ၢ်တၢ်ကျိၤလၢ အမၤလိဘၣ်ဝဲတဖၣ် အဘျုးအိၣ်လၢ အတၢ်အိၣ်မူ ဒီးအတၢ်ရ့လိာ်သးဒီး ယဟိဝၤယွၤအဂီၢ် ဒ်လဲၣ်န့ၣ်တက့ၢ်. မၤစၢၤအီၤ ဒ်သိးကနၢ်ပၢၢ်ထီၣ်ဝဲလၢ လံာ်စီဆှံအတၢ်ဘျၢတဖၣ် ပာ်ဖျါထီၣ်ဝဲ ကစၢ်ယွၤ အတၢ်အဲၣ်, အတၢ်မၤဂ့ၤ ဒီးအတၢ်တီတၢ်လိၤဒ်လဲၣ်. ဒ်သိးပှၤမၤလိတၢ်ဖိ ကတဲဖျါထီၣ်ဝဲ အတၢ်တူၢ်ဘၣ်လၢ ဘၣ်ဃးဒီး တၢ်လၢအမၤလိဘၣ်ဝဲတဖၣ်အဂီၢ် သံကွၢ်အီၤ တၢ်သံကွၢ်လၢ တၢ်ကူၣ်သ့အပူၤတက့ၢ်. မၤစၢၤအီၤလၢ ကဆိကမိၣ်ထံဝဲလၢ အဝဲမ့ၢ်ဆီတလဲ အတၢ်ပာ်သူၣ်ပာ်သး မ့တမ့ၢ် အလုၢ်လၢ်လၢ အတကြၢးတဘၣ်တဖၣ်န့ၣ် ကကဲဘျုးလၢအဂီၢ်ဒ်လဲၣ်. ဖဲနထံၣ်ဘၣ်လၢ နပှၤမၤလိလံာ်စီဆှံဖိ အဲၣ်ယဟိဝၤယွၤလၢ အသးဒီဖျၢၣ်အခါ နတၢ်သးခုကအါထီၣ်ဝဲလီၤ.
ကွၢ်တၢ်ဂီၤမူလၢအမ့ၢ် ဒ်သိးနကအိၣ်ဒီး တၢ်သူၣ်ခုသးခုလၢ တၢ်လဲၤဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အဂီၢ်— မၤဂ့ၤထီၣ်နတၢ်သ့တၢ်ဘၣ်တဖၣ်— သိၣ်လိတၢ်ဒ်သိးကထုးန့ၢ်ပှၤဂၤအသး ဒီးစံးဆၢတၢ်သံကွၢ်တဖၣ်အံၤ–
ဘၣ်မနုၤအဃိ နံထၣ် သံကွၢ်ဝဲ ဖီဒ့ၣ်ညါလၢ “တၢ်ဂ့ၢ်လၢ ပတဲတ့ၢ်လၢ မုၢ်တနံၤန့ၣ် နက့ၤဆိကမိၣ် အါထီၣ်ဘၣ်ဧါ” န့ၣ်လဲၣ်.
ဒ်သိးဖီဒ့ၣ်ညါ ကနၢ်ပၢၢ်ထီၣ်ဝဲလၢ လံာ်စီဆှံ အတၢ်ဘျၢ ပာ်ဖျါထီၣ် ယဟိဝၤယွၤ အတၢ်အဲၣ်အီၤအဂီၢ် နံထၣ် မၤစၢၤအီၤဒ်လဲၣ်.
ပမ့ၢ်သိၣ်လိတၢ် တုၤအထုးန့ၢ်ပှၤသးန့ၣ် ပပှၤမၤလိ လံာ်စီဆှံဖိ ကသးအိၣ်သုးဘူးအသးဆူ ယဟိဝၤယွၤအအိၣ်
ဒ်သိးဖီဒ့ၣ်ညါ ကသ့ၣ်ညါထီၣ်ဝဲလၢ အဝဲပာ်ဖျါထီၣ် အတၢ်အဲၣ်ကစၢ်ယွၤသ့န့ၣ် နံထၣ်မၤစၢၤအီၤဒ်လဲၣ်.