တၢ်ဟ့ၣ်ကူၣ်လၢ တၢ်မၤလိအဂီၢ်
တိၢ်နီၣ်ဃာ် လံာ်စီဆှံအဆၢတဖၣ်
လံာ်စီဆှံအဆၢဖိလၢ နဘၣ်သူၣ်ဘၣ်သးဒိၣ်မး ဘၣ်ဆၣ် နတနီၣ်ဘၣ်အီၤ ဂ့ၤဂ့ၤဘၣ်န့ၣ်အိၣ်ဧါ. ဘၣ်သ့ၣ်သ့ၣ် အကဲဝဲ လံာ်စီဆှံအဆၢလၢ အမၤမုာ်ထီၣ်က့ၤနသး, အမၤစၢၤနၤဒ်သိး နကမၤလီၤမၢ်ကွံာ် တၢ်ဆိကမိၣ်လၢ အတဂ့ၤဘၣ် မ့တမ့ၢ် အကဲလံာ်စီဆှံအဆၢလၢ နအဲၣ်ဒိး တဲဘၣ်က့ၤ ပှၤတဂၤဂၤ. (စံး ၁၁၉:၁၁, ၁၁၁) ဒ်သိး နတိၢ်နီၣ်ဃာ် လံာ်စီဆှံအဆၢတဖၣ် ကန့ၢ်အဂီၢ် ကွၢ်တၢ်ဟ့ၣ်ကူၣ် လၢလာ်အံၤတနီၤ.
လၢ JW Library® app အပူၤန့ၣ် သူတၢ်ပနီၣ်လၢအမ့ၢ် ထဲး (tags).a ဒ်သိး နကမၤနီၣ်ဃာ် လံာ်စီဆှံအဆၢလၢ နအဲၣ်ဒိး တိၢ်နီၣ်ဃာ်အီၤအဂီၢ် သူတၢ်ပနီၣ်လၢအမ့ၢ် ထဲး ဒီးကွဲးလီၤအမံၤလၢ “လံာ်စီဆှံအဆၢလၢ ယဘၣ်သူၣ်ဘၣ်သး.”
ကွဲးလီၤ လံာ်စီဆှံအဆၢလၢ နအဲၣ်ဒိး တိၢ်နီၣ်ဃာ်အီၤ ဒီးကျးလီၤအီၤလၢ တၢ်လီၢ်လၢ နထံၣ်အီၤသ့. ပှၤတနီၤန့ၣ် အကွဲးလီၤ လံာ်စီဆှံအဆၢ ဒီးအကျးလီၤဝဲလၢ အမဲာ်ထံကလၤအလိၤ. ဒီးအဂၤတနီၤန့ၣ် ကျးလီၤဝဲလၢ အတၢ်ခုၣ်ဒၢအလိၤ. မ့မ့ၢ် အဂၤတနီၤန့ၣ် ဒိဃာ်ဝဲ လံာ်စီဆှံအဆၢ အဂီၤ ဒီးပာ်ဝဲလၢ အလီတဲစိ မ့တမ့ၢ် အခီၣ်ဖၠူထၢၣ် အမဲာ်သၣ်လိၤ.
သူလံာ်က့ဖိ. လၢလံာ်က့ဖိ အမဲာ်ညါ တကပၤအလိၤန့ၣ် ကွဲးလီၤ လံာ်စီဆှံအဆၢအမံၤ, အဆၢဒိၣ် ဒီးအဆၢဖိ ဒီးလၢအလီၢ်ခံ တကပၤန့ၣ် ကွဲးလီၤ လံာ်စီဆှံအဆၢ. ဝံၤဒီး ဖဲနကွၢ် လံာ်စီဆှံအဆၢ အမံၤ, အဆၢဒိၣ်ဒီးအဆၢဖိ လၢအမဲာ်ညါ တကပၤအခါ ဆိကမိၣ်ထီၣ်လၢ အတဲတၢ်ဂ့ၢ်မနုၤလဲၣ်. မ့တမ့ၢ် ဖဲနကွၢ် လံာ်စီဆှံအဆၢ လၢအလီၢ်ခံ တကပၤအခါ ဆိကမိၣ်ထီၣ် လံာ်စီဆှံအဆၢအမံၤ, အဆၢဒိၣ်ဒီးအဆၢဖိ မ့ၢ်မနုၤလဲၣ်.
a နမ့ၢ်အဲၣ်ဒိး သ့ၣ်ညါအါထီၣ်တၢ်ဂ့ၢ်လၢ နကဘၣ်သူ တၢ်ပနီၣ်အံၤဒ်လဲၣ်န့ၣ် ကွၢ်တၢ်ဂီၤမူ လၢအခိၣ်တီမ့ၢ် တၢ်ကရၢကရိ အတၢ်လဲၤထီၣ်လဲၤထီတဖၣ်—တၢ်ဟ့ၣ်ကူၣ်လၢ ကသူ JW Library အဂီၢ်.