Sadila Biblia mutindu kitala-tala

Zaki fwanisaka Biblia na kitala-tala yina ke sadisaka beto na kutala mutindu ya muntu beto kele. (Zaki 1:22-25) Wa’ faso beto lenda sadila Biblia mbote-mbote mutindu kitala-tala?

Tula dikebi na yina nge ke na tangaka. Kana beto tala na mbangu nyonso na kitala-tala, ya lenda sala ti beto kipe ve mvindu yina lungaka beto tala. Mutindu mosi mpe kana beto tanga Biblia na mbangu-mbangu, beto ke tala ve bansobolo yina beto ke na nsatu ya kusala.

Tula makanisi ya nge na yina nge na nsatu ya kubongisa kasi ve ya bampangi. Bantangu ya nkaka ntangu beto ke talaka na kitala-tala, beto lenda tala mpe kizizi ya bampangi na kitala-tala. Mpe beto lenda tula kaka makanisi ya beto na bamambu ya yimbi yina beto me tala na bawu. Mutindu mosi mpe ntangu beto ke tangaka Biblia, beto lenda kanisa ti mambu yina beto ke na tangaka ni bampangi me fwana kusadila yawu. Kasi, kukanisa mutindu yina ke sadisa ve beto na kusala bansobolo na bifu ya beto ya yimbi.

Kukangama ve kaka na dikanisi mosi. Kana beto tula kaka meso na bifu ya beto ya yimbi, ya lenda lembisa beto. Beto ke na nsatu ya kukangama ve kaka na dikanisi mosi ntangu beto ke tangaka Biblia, mpe kutala beto mosi kulutila mutindu Yehova ke talaka beto.—Zaki 3:17.