Ngana

26 Nze mvul’ampembe muna nsungi a mvula ye mvula muna nsungi a nkutika,

O luzitu ke lufwanukini kwa zowa ko.+

 2 Wauna nuni kenena ye kuma kia tina, o mvengia una ye kuma kia tilumuka,

E sibu mpe ke kivewanga nkatu-nkatu ko.*

 3 O nzwangi wa mvalu, e bindikilwa kia buluku,+

O lubamba lwa nim’a mazowa.+

 4 Kuvani mvutu kwa zowa ko mun’owu wa uzowa wandi,

Kimana walembi fwanana yandi.

 5 Vana e mvutu kwa zowa mun’owu wa uzowa wandi,

Kimana kalembi yindula vo nkwa ngangu.+

 6 Nze muntu ozengele malu mandi yo kuyitwasila mfwilu*

I wau wina muntu ozayisanga mambu mandi kwa zowa.

 7 Nze malu makoka makondwa ngolo,

I wau wina kingana muna nu’a mazowa.+

 8 Nze tadi dizingilu muna nsinga watubila matadi,

Diau dimosi yo vana nkembo kwa zowa.+

 9 Nze nti wa nsende vana koko kwa nkwa nkolwa,

I wau wina e kingana muna nu’a zowa.

10 Nze nkwa maswanga otelesa lembi wo kana,

I wau wina ona obakidi zowa muna salu yovo minduti a nzila.

11 Nze mbwa ovutukidi e luki yandi,

I wau wina zowa ovutukidi uzowa wandi.+

13 O molo ovovele vo: “Mwan’a nkosi wina muna nzila,

Nkosi una vana ntanda!”*+

14 Nze una uzietomokenanga kielo muna kangilwa yandi,*

I wau wina molo vana mfulu andi.+

15 O molo osidi koko kwandi muna pidi,

Kansi wau vo oyoyele, kalendele ko nata muna nua ko.+

16 O molo oyindulanga vo osundidi e ngangu

Lutila wantu nsambwadi ana bavene mvutu zambote.

17 Nze muntu obakidi mbwa muna matu

I wau wina munduti a nzila ofungidi makasi mu kuma kia* ntantani zangani.+

18 Nze lau otubanga maswanga matiya ye nzanza za mpondi,

19 I wau wina muntu ovunini nkwandi yo vova vo: “Sakana kaka nkele sakana!”+

20 Vana vakondelo e nkuni, o tiya zima tuzimanga,

Vana vakondelo nkumbi, e nzonzi mifokokanga.+

21 Nze makala vana makala matiya ye nkuni vana tiya,

I wau wina munzodi a nkindu ona oyangumunanga nzonzi.+

22 E mvovo mia nkwa makumbu mina nze madia mambote;

Meminukanga mu sazu yo lelomoka yamuna kati kwa vumu.+

23 Nze palata yakuswa muna tenga kia kinzu kia tuma

I wau wina mvovo mia ngemba mitukidi muna* ntim’ambi.+

24 Ndiona omenganga ankaka oswekanga wo muna befo yandi,

Kansi luvunu kelundanga muna kati.

25 Kana nkutu ovovele kuna ngemba, kunsi’e vuvu ko,

Kadi mambu nsambwadi mangemi mena muna ntim’andi.*

26 Kana una vo lumengo lwandi lwaswekama muna luvunu,

Umpumbulu wandi usenzekwa muna nkutakani.

27 Ndiona otimunanga e wulu yandi kibeni obwa mo,

Ndiona onengomonanga e tadi, wandama dikunwandama.+

28 O lubini lwa luvunu lumenganga awana lubangikanga,

O nu’a malengo lufwasu utwasanga.+