26 “Vangila e saba+ mu nlele kumi mia nsinga miasietwa mia lino yambote, nsinga mia bule, nsinga mia mika mia se kia nduwa ye nsinga mia mbwaki akongola.* Ofwete mo tunga e fwaniswa+ ya akelubi.+ 2 Konso nlele a saba ukala ye yinkoso* 28 muna lambuka, yinkoso 4 muna yalumuka. E nlele miawonso mia saba mifwete kala tezo kimosi.+ 3 Nlele ntanu mia saba miyikakeswa yo kala se nlonga mosi, e miaka nlele tanu mia saba miyikakeswa yo kala se nlonga mosi. 4 Vanga mavundu ma nsing’a bule muna nswiku a nlele wina kuna nsuk’a nlonga; vanga diau adimosi muna nswiku a nlele wina kuna nsuk’a nlonga wankaka, vana veyikanena e nlonga miau miole. 5 Vanga mavundu 50 mu nlele umosi, mavundu 50 muna nswiku a nlele wankaka, kimana mavundu makala mantalani vana veyikanena e nlonga miau miole. 6 Vanga kangilwa 50 ya wolo, yikakesa e nlonga miole mia nlele a saba muna kangilwa, muna mpila yayi e saba kikala se lekwa kimosi.+