23 Kansi, Sikone kayambwidi Isaele ko kaviokela muna zunga kiandi. Sikone okutakese nkutu o nkangu andi wawonso yo kwenda nuanisa Isaele muna makanga. Vava kalweke kuna Yaza, oyantikidi nuana yo Isaele.+ 24 Kansi, Isaele umvondele muna nsosolo,+ obakidi e nsi andi+ tuka kuna Arenone+ yakuna Yaboke,+ lukufi ye Aneyamone, kadi e Yaze+ muna mwingilu a zunga kia Aneyamone ina.+

12 Awaya i atinu a nsi ana bavondwa kwa Aneyisaele, bavua e nsi zau kuna simu dia Yodani kuna este, tuka kuna Ndimb’a Arenone+ yakuna Mongo a Keremone+ ye kuna Araba yawonso kuna este:+ 2 Sikone wa ntinu+ a Aneyamore ona wazingilanga muna Kesebone, wayalanga tuka Arowa+ ina vana Ndimb’a Arenone,+ tuka kuna kati kwa ndimba ye ndambu a Ngiladi yakuna Ndimb’a Yaboke, mwingilu a Aneyamone.