1 Muna mvu wantete wa luyalu lwa Kurese+ wa Ntinu a Parasa, muna lunganesa e diambu dia Yave dina diavovua kwa Yeremiya,+ Yave osikamese mwand’a Kurese wa Ntinu a Parasa kimana kaboka nkoki muna kintinu kiandi kiawonso, osonekene wo mpe muna nkanda,+ oku vo:

2 “I wau wuwu kavovele o Kurese wa Ntinu a Parasa: ‘Yave wa Nzambi a zulu umpene yintinu yawonso ya nza,+ untumini yantungila e nzo muna Yerusaleme,+ ina kuna Yuda. 3 Ovava avo vena yo muntu, una vo wa nkangu andi, yambula Nzambi andi kakala yandi, yambula katomboka kuna Yerusaleme, kuna Yuda, katungulula e nzo a Yave wa Nzambi a Isaele, wa Nzambi aludi, nzo ina yakala muna Yerusaleme.* 4 Konso muntu una vo nzenza,+ kana nkia fulu kena, yambula katambula kwa mfinangani zandi,* palata, wolo, tusalu ye twelezi ye tukau twamvevo twa nzo a Nzambi aludi+ ina kuna Yerusaleme.’”