8 Muna diadi, Izebele osonekene nkanda muna nkumbu a Akabi yo sia mio dimbu+ kia ntinu yo twika mio kwa akuluntu+ y’azitu ana bakala muna mbanz’a Nabote. 9 Osonekene muna nkanda vo: “Nuboka nkoki wa fionkonona,* nuvuandisa Nabote vana kati kwa nkangu. 10 Nusola yimpumbulu yole, bavuanda vana ntwal’andi, bansila kimbangi kia luvunu,+ oku vo: ‘Otiangwini Nzambi yo ntinu!’+ I bosi, lunata Nabote kuna mbazi a mbanz’a, nuntuba matadi yavana kefwa.”+

11 Esi mbanz’a Nabote, akuluntu y’akwa zitu ana bazingilanga muna mbanz’andi bavanga wauna Izebele kasoneka muna nkanda kabatwikila.

4 Akuluntu bavovese o ntinu vo: “Dodokolo, yambula muntu ndioyo kavondwa,+ kadi muna mvovo miami oyoyesanga* makesa mana masidi mu mbanza yayi ye nkangu wawonso. Kadi muntu ndioyo ke vavanga luvuvamu lwa nkangu wau ko, kansi mpasi kaka.” 5 Sedekiya wa Ntinu ovutwidi vo: “Una kwandi vana moko meno, kadi ntinu kalendi vanga diambu ko muna kunukakidila.”