16 Muna mvu una wa 17 wa luyalu lwa Pekake wa mwan’a Remaleya, Akazi+ wa mwan’a Yotame wa Ntinu a Yuda oyantikidi yala. 2 Akazi mvu 20 kakala miau vava kayantika yala, mvu 16 kayala muna Yerusaleme. Kavanga mambu mambote ko vana meso ma Yave wa Nzambi andi nze una kavanga o Davidi wa nkulu andi.+ 3 Kansi, wakangalela muna nzila y’atinu a Isaele,+ wayoka nkutu mwan’andi vana tiya,*+ watanginina mavangu mangemi ma zula+ ina Yave kayinga vana vena Aneyisaele.