25 “Muna kuma kiaki, inuvovese wo vo: Nuyambula tokana kwayingi+ mu kuma kia mioyo mieno, kana nki nudia yovo nki nunua yovo nki nuvuata.+ Nga o moyo ke usundidi madia ko e? E nitu ke isundidi mvuatu ko e?+ 26 Nutoma tala e nuni za zulu;+ ke zikunanga ko yovo vela ngatu kutika madia muna malundilu, kansi o Se dieno kuna zulu odikilanga zo. Nga yeno ke nubasundidi o mfunu ko e? 27 Nani vovo nuina muna tokana kwayingi olenda kudikila kana nkutu miniti mosi muna zingu kiandi?+ 28 Diau dimosi mpe, ekuma nutokanenanga mu kuma kia mvuatu? Nutoma badika una e mvuma za mfuta zikudilanga; ke zifuntukanga ko ngatu tunga nlele; 29 kansi inuvovese wo vo, kana nkutu Solomo+ muna nkembo andi wawonso, kasidi vuatila nze imosi muna mvuma zazi ko. 30 Avo Nzambi ovuikanga e titi ya mfuta, eyi ina o unu, o mbazi iyokelo vana tiya, nga keluta kunuvuika ko, oyeno akwa filukwikilu e?

6 Ke nutelama ntima muna konso diambu ko,+ kansi muna mambu mawonso, muna sambu ye ludodokelo ye matondo, nuzayisa e ndomba zeno kwa Nzambi;+