14 “Nkumbu tatu nukumpangila o nkinzi muna mvu.+ 15 Nukembela o Nkinzi a Mbolo Zakondwa Mfuna.+ Lumbu nsambwadi odia e mbolo zakondwa mfuna wauna yakanikina, muna ntangwa yasikidiswa, muna ngonde ya Abibi,*+ kadi mu ngonde yoyo wavaika muna Engipito. Ke vena muntu ko okwiza vana ndose ame yo moko mankatu.+

16 “Wan’aku awonso amakala bafwete kwiza vana ndose a Yave wa Nzambi aku vana fulu kina kesola. Bekwiza nkumbu ntatu muna mvu, i sia vo, muna Nkinzi a Mbolo Zakondwa Mfuna,+ Nkinzi a Tumingu+ yo Nkinzi a Sudi,*+ ke mosi ko muna yau okwiza vana ndose a Yave yo moko mankatu.