Daniele
10 Muna mvu wantatu wa luyalu lwa Kurese+ wa Ntinu a Parasa, Daniele ona wavewa nkumbu a Beletesasa,+ watambula lusengomono; e nsangu zaludi zakala, nsangu za vita yanene. Wabakula nsangu yo vewa umbakuzi wa mana kamona.
2 Muna lumbu yayina, mono Daniele yakala ye ntantu+ mu tumingu tatu twamvimba. 3 Kiadia madia mambote ko, omu nua ame ke mwakota mbizi ko ngatu nua vinyu, kiayikusa mazi ko mu tumingu tatu twamvimba. 4 Kina kia 24 kia ngonde yantete vava yakala vana kumu dia nzadi anene, Tigre,*+ 5 nsengwele meso, mbwene muntu ovuete nlele a lino+ ye mpond’a wolo wa Ufaze muna luketo. 6 E nitu andi yakezimanga nze tadi dia kerusolito,+ e ndose andi nze nsemo, o meso mandi nze mini kia tiya, o moko ye malu mandi nze nsongo yalengolwa,+ mazu ma mvovo miandi nze mazú ma ndong’ayingi. 7 Mono kaka Daniele yamona mona-meso kiaki;+ o wantu ana bakedi yame ke bamwene kio ko. Kansi bayantikidi zakama kwayingi, batinini yo swekama.
8 I bosi yasala mono mosi kaka, vava yamona mona-meso kiaki kiansisi, o nkuma ke wakala diaka omu mono ko, e mpw’ame yasoba, yakituka se yambi, e ngolo zame zawonso zavila.+ 9 Ozevo, ngwidi mazu ma nding’andi; kansi, vava inwidi ekolo kevovanga, ndele wosola kia tulu ye ndose ame vana ntoto.+ 10 I bosi, koko kwa muntu kumpiakane,+ kundikwini ye kumfukamesa muna makungunu ye moko. 11 Umpovese vo:
“E Daniele wa muntu otomene zolwa,+ wunikina mambu mana ikuvovesa. Owau, telama, kadi kwa ngeye ntuminu.”
Vava kampovese mambu mama, ntelamene yo zakama.
12 I bosi umpovese vo: “E Daniele, kumoni wonga ko.+ E mvovo miaku miawakana tuka muna lumbu kiantete kina wasia e sungididi kia vava umbakuzi ye kuyikulula vana ndose a Nzambi, mono ngizidi mu kuma kia mvovo miaku.+ 13 Kansi, o nkuluntu+ a kintinu kia Parasa wantelamena mu lumbu 21. Kansi, Mikaele,*+ mosi muna akuluntu basundidi o mfunu,* wayiza kunsadisa; dianu yakala vavana ye ntinu mia Parasa. 14 Owau ngizidi yasadisa kimana wabakula e mambu mebwila nkangu aku kuna mbaninu a lumbu,+ kadi e mona-meso kia lumbu ikwiza.”+
15 Vava kampovesa mambu mama, ngienzekele ndose ame vana ntoto, nkitukidi nze baba. 16 I bosi, mosi una ye mpw’a muntu oviakane befo yame,+ dianu vo, nziwidi o nua, mpovele kwa ndiona otelamene vana ndose ame vo: “E mfumu ame, mu zakama ngina mu kuma kia mona-meso, kina diaka ye ngolo ko.+ 17 Ozevo, mono ntaudi a mfumu ame, aweyi ndenda mokenena ye mfumu ame?+ Kadi kina diaka ye ngolo ko, kisidi diaka ye fulumwinu ko.”+
18 Ndiona wakala ye mpw’a muntu umpiakane diaka yo kunkumika.+ 19 I bosi ovovele vo: “Kumoni wonga ko,+ e muntu otomene zolwa.+ Yambula luvuvamu lwakala yaku.+ Kumama, elo, kumama.” Ekolo kavovelenge yame, nkumamene, mpovele vo: “E mfumu ame, vova kwaku, kadi unkumikini.”
20 I bosi ovovele vo: “Nga ozeye ekuma ngizidi kwa ngeye? Owau se ivutuka ngienda nuana ye nkuluntu a Parasa.+ Vava ikwenda, nkuluntu a Ngerekia okwiza. 21 Kansi, ikuzayisa mambu masonama muna nkand’a ludi. Ke vena muntu ko okumpana lusadisu lwa nkuma muna mambu mama, avo ke Mikaele+ wa nkuluntu aku ko.+