Nkunga
Nkunga. Nkung’a sunzulwila e nzo. Nkung’a Davidi.
30 Ikutundidika, e Yave, kadi untelamese;*
Kuyambwidi ko vo mbeni zame bayangalala mu kuma kia mpasi zame.+
2 E Yave wa Nzambi ame, kwa ngeye nkazidi wansadisa, ongeye ungukidi.+
3 E Yave, ngeye untombwele muna Ziami.*+
Oyambwidi vo yakala moyo; untanini yalembi bwa muna wulu.*+
E dilu kilenda lwaka o fuku, kansi muna mene-mene, kiese.+
6 Vava yakala muna luvuvamu, yavova vo:
“Kilendi nikunua ko.”*
7 E Yave, vava yakala ye dienga diaku, wansiamisa nze mongo.+
Kansi vava wasweka e ndose aku, yamona wonga.+
8 E Yave, kwa ngeye yabokelanga;+
Kwa Yave yadodokelanga.
9 Nkia nluta mikala muna lufwa lwame,* avo nkulumukini muna wulu?*+
Nga ntoto ukukembelela?+ Nga usamuna e ziku kiaku e?+
10 Wá, e Yave, unsonga e dienga.+
E Yave, kala nsadisi ame.+
11 Okitwidi dilu kiame se makinu;
Okatwidi ngoto ame, umvuikidi kiese,
12 Kimana omono* yayimbidila nkembo aku, vana fulu kia dingalala.
E Yave wa Nzambi ame, ikukembelela yakwele mvu.