Nkung’a Solomo
4 “U mote kikilu, e nzolw’ame.
U mote.
O meso maku kuna nsi a fukwa mena nga meso ma mayembe.
E nsuki zaku zina nga kambi dia nkombo
Dikulumukanga e miongo mia Ngiladi.+
2 O meno maku mena nga kambi dia mameme matukidi sakwa e mika
Metombokanga tuka kuna mele sukulwilwa,
Mawonso ye mapasa mau,
Ke mosi ko ovidisi o mwan’andi.
3 E befo yaku ina nga nsing’ambwaki,
E mpov’aku yambote-mbote.
Nze tini ya nganata*
I una wina mabundi maku kuna nsi a fukwa kiaku.
4 E nsingu aku+ ina nga nzo yandá ya Davidi,+
Yatungilwa mu nlonga mia matadi
Muna mumanikwanga funda dia ngubu,
E ngubu zawonso zazietomoka za makesa.+
5 E mayene maku mole mena nga wana wole a mvanda,
Nga mapasa ma nsesi,+
Ana bedianga vana vena lenge-lenge.”
6 “Yavana mupepe a lumbu uvevomoka malembe-malembe,* e yini yavila,
Ikwenda kuna mongo a mô
Ye kuna kundubulu kia ndumbu a nti a lebona.”+
8 Kulumuka yame tuka kuna Lebanone, e nzitikil’ame,
Kulumuka yame tuka kuna Lebanone.+
Kulumuka tuka vana mbat’a Amana,*
Tuka vana mbat’a Seni, e mbat’a Keremone,+
Tuka muna malekelo ma nkosi, tuka muna miongo mia ngo.
9 Ongeye oyiyidi o ntim’ame,+ e nsang’ame, e nzitikil’ame,
Oyiyidi o ntim’ame muna ntala mosi ya meso maku,
Muna tadi dimosi diyengalele muna nsang’aku a nsingu.
10 E mvovo miaku mianzola miambote-mbote,+ e nsang’ame, e nzitikil’ame!
E mvovo miaku mianzola misundidi e vinyu o wete,+
E nsunga za mazi maku zisundidi ezi za lekwa yawonso yansunga!+
11 E befo yaku, e nzitikil’ame, isonsanga wiki wa sasala.+
Wiki ye kimvumina kina kuna nsi a lubini lwaku,+
E nsunga za mvuatu miaku zina nga nsunga za Lebanone.
12 E nsang’ame, e nzitikil’ame, una nze mpatu yabindikwa,
Mpatu yabindikwa, nto a maza yafukilwa.
13 E ntombo za mpatu aku* i paradiso* ya nganata*
Ina ye bundu isundidi o wete, kumosi ye nti mia ena ye nti mia nadu,
14 E nardu+ ye safoni, kane*+ ye kinamone,+
Ye nti mia mpila zawonso mia ndumbu, mô ye alowe,+
Kumosi yo mazi mawonso masundidi e nsunga.+
15 Ongeye u nto a mpatu, sima kia maza mavelela,
Nkoko mikukulanga tuka kuna Lebanone.+
16 Sikama, e mupepe a node;
Kota, e mupepe a sude.
Vevomoka malembe muna mpatu ame.
Yambula e nsunga zandi zamwangana.”
“Yambula o nzolw’ame kakota mu mpatu andi
Kadia e bundu isundidi o wete ya mpatu.”