Yobi
8 I bosi, Biledade+ wa musi Nsuka+ ovutwidi vo:
2 “Yamu nkia kolo okwamanana vovela e mpila yayi?+
E mvovo mia nu’aku mina nze tembwa kiangolo.
3 Nga Nzambi obendomona unsongi,
Yovo Mpungu-ngolo kabendomona e ziku?
4 Avo wan’aku Nzambi basumukina,
Oyandi wayambula vo batumbwa mu kuma kia ukolami wau;*
5 Kele vo wavava Nzambi+
Yo dodokela Mpungu-ngolo,
6 Kele vo wavelela kikilu yo kala nkwa unsongi,+
Wadi kusia e sungididi*
Yo kuvutulwila e fulu kiaku.
7 Kana una vo lubantiku lwaku lwandwelo,
E mbaninu aku yanene yadi kala.+
8 Dodokolo, yuvula mbandu yavita,
Yo sia sungididi mana mase mau bamona.+
9 Kadi yeto mazono twawutukidi, katuzeye diambu ko,
Kadi e lumbu yeto va ntoto ina nze kini.*
10 Nga ke bekulonga ko,
Yo kuvovesa mana bazeye?*
11 Nga mawu malenda kola vana vakondelo mayang’e?
E tutu nga dilenda kola kondwa kwa maza?
12 Ekolo mesavukanga yo lembi vuzwa,
Meyuma vitila nti miankaka.
13 Eyayi i mbaninu* ya wantu awonso ana bevilakana Nzambi,
Kadi e vuvu kia kimpumbulu* kidimbuka,
14 E vuvu kiau kiankatu kwandi
E vuvu kiau kiazeza nze konde dia* sangangungu.
15 Oyekamena nzo andi, kansi ke isikila ko;
Osimbinina yo kansi, ke isikila ko.
16 Una nze nti uyitilwanga maza vana mwini,
E tayi yandi isayananga muna mpatu.+
17 E mianzi miandi mizingalakana vana matadi;
Ovavidi e nzo vana vena matadi.*
18 Kansi avo ovuzilu* vana fulu kiandi,
E fulu kikumvakulwilanga nkalu, oku vo: ‘Kiasidi kumona ko.’+
20 Kieleka, Nzambi ke bembola awana besikilanga ye kwikizi ko;*
Ngatu yikama* yimpumbulu,
21 Vo i ngeye, o Nzambi ozadisa nu’aku ye tusevo
Ye kazu kiakiese muna befo yaku.
22 Ana bekumenganga bevuikwa nsoni,
E saba kia yimpumbulu ke kikala diaka ko.”