Wanzole wa Tusansu
4 Ovangidi e ziku dia nsongo+ dia yinkoso 20 muna lambuka, yinkoso 20 muna sanzuka ye yinkoso 10 muna lá.
2 Ovangidi Kalunga*+ kwa sengwa kiazunzwa. Kwavindumuka, yinkoso 10 tuka kuna sambu dimosi yakuna sambu diankaka ye yinkoso 5 muna lá, nsinga wa yinkoso 30 uzietele ko.*+ 3 Kuna nsi kwakala ye fwaniswa nze nkalu,+ kumi-kumi muna konso kinkoso, yawonso yazieta Kalunga. Vakala nlonga miole mia fwaniswa ya nkalu, yazunzwa kumosi ye Kalunga. 4 Kwatensekwa vana ntandu a ngombe 12,+ zitatu zitadidi kuna node, zitatu kuna weste, zitatu kuna sude ye zitatu kuna este; e Kalunga kwatensama zo, e nkila miau miawonso mitalanene vana kati. 5 O nkandu andi wa kandazi kia koko;* e mvind’andi wavangwa nze mvind’a mbungwa nze luvuma lwa lenge-lenge. E lundilu dia maza diafwana kota 3.000 ma bata.*
6 Ovangidi malonga kumi ma sukulwila, osidi matanu kuna lunene, matanu kuna lumonso.+ I mûna basukulwilanga lekwa yawonso basadilanga muna tukau twangioka.+ Kansi e maza ma Kalunga, nganga kaka basukulwilanga mo.+
7 Ovangidi mpe zangikilwa kumi ya minda ya wolo,+ nze una wasikidiswa,+ osidi yo muna tempelo, itanu kuna lunene, itanu kuna lumonso.+
8 Ovangidi mpe meza kumi, osidi mo muna tempelo, matanu kuna lunene, matanu kuna lumonso;+ ovangidi 100 pidi ya wolo.
9 Ovangidi yanzala+ ki’anganga+ ye yanzala kianene* ye yelo ya yanzala,+ olengele yo e nsongo. 10 Osidi Kalunga kuna ndambu a lunene, kuna sude.+
11 Kirami ovangidi mpe yinzu ya katulwila ntoto ampolo, pawu ye pidi.+
Kirami omanisi e salu kavangila Solomo wa Ntinu mu kuma kia nzo a Nzambi aludi:+ 12 malunzi mole+ ye ntu miandi miakala nze pidi vana ntandu a malunzi mole; makonde mole+ muna fukila e ntu mia malunzi miakala nze pidi vana ntandu a malunzi mau mole; 13 400 za nganata*+ muna makonde mole; nlonga miole mia nganata muna konso konde, muna fukila e ntu mia malunzi miakala nze pidi;+ 14 makalu kumi+ ye malonga kumi masukulwila makala muna makalu; 15 Kalunga ye ngombe 12 kuna nsi a Kalunga;+ 16 yinzu ya katulwila ntoto ampolo, pawu, nsoma+ ye salanganu yawonso. Kirami-abive+ wavangila Solomo wa Ntinu salanganu yayi yawonso ya nsongo wakenzwa mu kuma kia nzo a Yave. 17 O ntinu owumbidi yo muna tuma kuna mvivu a Yodani, vana kati kwa Sukote+ ye Sereda. 18 Solomo ovangidi ulolo wa salanganu yayi yawonso; e zitu dia nsongo ke diazayakana ko.+
19 Solomo ovangidi salanganu yawonso+ ya nzo a Nzambi aludi: ziku dia wolo;+ meza+ masiwanga mbolo za lutambiku;+ 20 zangikilwa ya minda ye minda miandi mia wolo walembi sangwa lekwa,+ yalemanga vana ntwal’a suku dia kati wauna diakanikinua; 21 e mvuma, minda ye ziminua ya minda ya wolo walembi sangwa lekwa; 22 e zengelwa ya nsing’a mwinda, pidi, mbungwa ye yokelwa ya wolo walembi sangwa lekwa; e nkotelo a nzo ye yelo ya kati ya Fulu Kisundidi o Vauka+ ye yelo ya nzo a tempelo, ya wolo.+