Yeremiya
19 I wau wuwu kavovele o Yave: “Wenda sumba mvungu mosi kwa nwumbi.+ Nata ankaka muna akuluntu a nkangu ye ankaka muna akuluntu anganga, 2 wenda kuna Ndimb’a Mwan’a Inomi,+ kuna nkotelo a Vitu dia Belengenze. Zayisa kûna e mambu mana ikuvovesa. 3 Vova vo: ‘Nuwá diambu dia Yave, e yeno atinu a Yuda y’esi Yerusaleme. I wau wuwu kavovele o Yave a vu, wa Nzambi a Isaele:
“‘“Mpasi itwasa va fulu kiaki, zina vo konso ona owá zo matu mandi mefisima. 4 Kadi bangiambwidi+ yo vilula e fulu kiaki.+ Bekelanga yimenga kwa nzambi zankaka va fulu kiaki, e nzambi zina ke bazaya ko, oyau yo mase mau ye atinu a Yuda, bazadisi fulu kiaki yo menga ma minkondwa kuma.+ 5 Batungidi mabata ma Bale kimana bayoka wan’au vana tiya se tukau twangioka kwa Bale.+ Kiabakanikina diambu diadi ko ngatu kubavovesa, kisidi dio yindula nkutu ko muna ntim’ame.”’*+
6 “‘“Muna kuma kiaki, e lumbu ikwiza,” u kavovele o Yave, “e fulu kiaki ke kiyikilwa diaka ko vo Tofete yovo Ndimb’a Mwan’a Inomi, kansi kiyikilwa vo Ndimb’a Mponda.+ 7 Fungisa ifungisa makani ma Yuda ye Yerusaleme va fulu kiaki, ikubabwisisa muna nsosolo vana ndose a mbeni zau, vana moko m’awana bevavanga mioyo miau. Ivana mavimbu mau se madia kwa nuni za zulu ye bulu ya ntoto.+ 8 Ikitula mbanza yayi se kuma kia mwena wonga yo sivika. Awonso ana beviokela vo bekuyizengeneka yo zunga ntu muna kuma kia vuku yandi yawonso.+ 9 Ikubadikila nitu za wan’au amakala ye amakento, konso muntu odia nitu ya nkwandi muna kuma kia mpasi bemona vava bezungwa kwa mbeni zau ana bevavanga e mioyo miau.”’+
10 “I bosi, wula mvungu vana ndose a wantu bele yaku, 11 ubavovese vo, ‘i wau wuwu kavovele o Yave a vu: “I wau wuwu iwudila nkangu wau ye mbanza yayi, nze muntu owudidi kinzu kia tûma kina ke kilendi vangululwa diaka ko; bezikila mvumbi zau vana Tofete yavana ke vekala diaka ye fulu kia kubazikila ko.”’+
12 “‘I wau wuwu ivanga vana fulu kiaki yo nkangu andi,’ u kavovele o Yave, ‘kimana yakitula mbanza yayi nze Tofete. 13 E nzo za Yerusaleme ye nzo za atinu a Yuda zikituka zafunzuka nze fulu kiaki, Tofete,+ elo, e nzo zawonso zina batambikidi yimenga vana nludi kwa vu kiawonso kia zulu+ yo yitila tukau twa ndua kwa nzambi zankaka.’”+
14 Vava Yeremiya katuka kuna Tofete, kuna Yave kantuma kasakula, otelamene vana yanzala kia nzo a Yave, ovovese nkangu wawonso vo: 15 “I wau wuwu kavovele o Yave a vu, wa Nzambi a Isaele: ‘Itwasila e mbanza yayi ye mavata mandi e mpasi zina yayika, e kuma kadi ke bazolele lemvokela mvovo miame ko.’”*+