Amose
4 “Nuwá diambu diadi, e yeno ngombe za Basani,
Zina vana mongo wa Samaria,+
Yeno akento nuvunanga minkondwa nsadisi+ yo kosomona asukami,
Yeno nuvovele kwa akazi eno vo: ‘Nututwasila malavu twanua!’
2 E Mfumu Yave odidi e ndofi muna vauka kwandi vo:
‘“Nutala, nulwakilwa e lumbu ina nuzangulwilwa muna luvaku
Ana besala bezangulwilwa muna ndobo.
3 Nuvaikila muna mpwasi za yaka, konso muntu muna mpwasi ina kuna ntwal’andi;
Nutubwa kuna Kamone,” u kavovele o Yave.’
Nutwasa yimenga yeno+ muna mene-mene,
Ye tini ya kumi+ muna lumbu kiatatu.
5 Nuyoka mbolo za siwa e mfuna se kimenga kia matondo;+
Nuboka nkoki a tukau twa mvevo!
Kadi i diau nuzolanga vanga, e nkangu a Isaele,’ u kavovele Mfumu Yave.
6 ‘Vo i mono, nkitwidi o meno meno se mavelela mu kuma kia kondwa madia,* muna mbanza zeno zawonso
Yo kondwa madia muna nzo zeno zawonso;+
Kansi oyeno ke nuvutukidi kwa mono ko,’+ u kavovele o Yave.
7 ‘Mono mpe yanukakidila e mvula mu ngonde tatu vitila nkutika;+
Yanokesanga mvula mu yaka mbanza, kansi muna mbanza yankaka mvula nkatu.
Muna yaka mpatu mwanokanga e mvula,
Kansi muna mpatu yankaka e mvula nkatu, mwayuma.
8 O nkangu a mbanza zole yovo zitatu bekwenda tungiananga muna mbanza mosi mu nua e maza,+
Kansi bakinu ye vuina;
Oyeno ke nuvutukidi kwa mono ko,’+ u kavovele o Yave.
9 ‘Ngwende mbangazi ye mbumbu muna mbongo aku.+
Oyeno nuwokese mpatu zeno ye mpatu za vinyu,
E makonko madidi nsanda mieno ye olive;+
Kansi, oyeno ke nuvutukidi kwa mono ko,’+ u kavovele o Yave.
10 ‘Ntwikidi vuku vovo nuina nze kina kia Engipito.+
Mpondele matoko meno muna nsosolo+ yo baka mvalu mieno.+
Ntombwele nsudi a ndo zeno muna mazunu meno;+
Kansi, oyeno ke nuvutukidi kwa mono ko,’ u kavovele o Yave.
11 ‘Ntwese lufwasu vovo nuina
Nze lufwasu lwa Sodoma ye Ngomora luna katwasa Nzambi.+
Oyeno lwakala nze sinza kia tiya kikatwilu vana tiya,
Kansi, oyeno ke nuvutukidi kwa mono ko,’+ u kavovele o Yave.
12 Ozevo, ediadi i diau ivanga kwa ngeye, e Isaele.
Wau vo diambu diadi ivanga kwa ngeye,
Kubama mu wanana yo Nzambi aku, e Isaele.