Daniele

8 Muna mvu wantatu wa luyalu lwa Belesasa wa ntinu,+ mono Daniele yamona mona-meso kialandila kina yateka mona.+ 2 Muna mona-meso, vava yatalanga yakala muna lûmbu lwa Susani,*+ ina muna mvivu a Elame;+ muna mona-meso, yakala vana ndambu a nkoko* a Ulai. 3 Vava yasengola meso, yamona vaka kia meme+ kiatelama vana nkoko, kikedi ye mpoka zole.+ E mpoka zau zole zanda, kansi imosi isundidi o lá, eyi yanda isukinini omena.+ 4 Yamona vaka kia meme kiyantikidi tula kuna weste, kuna node ye kuna sude, ke vakala bulu kia mfuta ko kialenda telama vana kena, ke mosi ko walenda kubavuluza vana moko mandi.+ Wavanga mawonso kazola yo kuyitundidika.

5 Ekolo yatalanga, vamoneka kimboko kia nkombo+ kiatuka kuna weste, kiaviokanga e nza yawonso lembi diata va ntoto. E kimboko kiakala ye mpoka yanene vana kati kwa meso mandi.+ 6 Kizidi kwa vaka kia meme kia mpoka zole kina yateka mona vana nkoko; kialundumuka kuna kwakala vaka kia meme ye nsita zangolo.

7 Yamona kimboko kia nkombo kikedi ye makasi mayingi, kiafinama vaka kia meme. Kitufakese e vaka kia meme yo tolola e mpoka zandi zau zole, e vaka kia meme ke kilendele kuntelamena ko. Kilumbidi vaka kia meme vana ntoto, kidiatakese kio, ke vakedi ona olenda kumvuluza vana koko kwandi ko.

8 I bosi kimboko kia nkombo kiyitundidikidi beni, kansi vava kikumamene, e mpoka yampwena itolokele; i bosi vana fulu kiandi, vamenene mpoka ziya zatunda, kuna tembwa yau yá ya zulu.+

9 Muna mpoka imosi muvaikidi mpoka yankaka, yakete, ina inungunukini kikilu yakuna sude, yakuna este* yakuna Nsi yambote.+ 10 Itomene nungunuka yavana ilweke kuna kwa vu yawonso ya zulu, ibwisidi vu yankaka ye ntetembwa zankaka va ntoto, ibadiatakese. 11 Ikitundidikidi nkutu vana vena Mfumu a vu, e kimenga kia ntangwa ke ntangwa kiankatulwa, e fulu kiandi kiavauka kiasikidiswa, kibwisilu.+ 12 Vu kimosi kiavewa kumosi ye kimenga kia ntangwa ke ntangwa, muna kuma kia masumu; e mpoka yakwamanana loza e ludi va ntoto, ivangidi diambu, itomene sikila.

13 Yamona mvauki mosi wavovanga, mvauki wankaka wayuvula ndiona wavovanga, oku vo: “Nkia kolo kizingila e mona-meso kia kimenga kia ntangwa ke ntangwa ye sumu ditwasanga lufwasu,+ muna kitula fulu kiavauka ye vu se lekwa idiatakeswa?” 14 Wampovesa vo: “Yavana kivioka 2.300 za fuku ye mene; e fulu kiavauka kivutulwiswa kieleka una kiateka kala.”

15 Mono Daniele, ekolo yamona e mona-meso yo vava kio bakula, vana vau mbwene muntu mosi otelamene va ndos’ame una ye mpw’a muntu. 16 I bosi ngwidi nding’a muntu vana kati kwa Ulai,+ okazidi, oku vo: “E Ngambiele,+ unsadisa kabakula mana kamwene.”+ 17 Muna diadi, ofinamene vana yatelama, kansi vava kalwaka vana yakala, yamona kikilu wonga, mvumbamene ye ndose vana ntoto. Umpovese vo: “E mwan’a muntu, zaya wo vo e mona-meso kia ntangw’a mbaninu.”+ 18 Kansi, una kavovananga yame, ndele wosola kia tulu ye ndose vana ntoto. Dianu vo, umpiakane yo kuntelamesa vana yakala.+ 19 Ovovele vo: “Ikusonga mana mevangama kuna mbaninu a kolo kia makasi,* kadi e mona-meso kia ntangwa yasikidiswa kuna mbaninu.+

20 “E vaka kia meme kina wamona ye mpoka zole, i atinu a Madai ye Parasa.+ 21 E kimboko kia nkombo kiazala ye mika i ntinu a Ngerekia;+ e mpoka yanene yakala vana kati kwa meso mandi i ntinu antete.+ 22 Vo i mpoka ina yatoloka yo mena mpoka ziya vana fulu kiandi,+ vekala ye yintinu yá ibundumuka tuka muna zula, kansi ke ikala ye nkum’andi ko.

23 “Kuna mbaninu a kintinu kiau, vava asumuki belunganesa* mavangu mau, vebundumuka ntinu wa nkwa ndose a nsita, ona obakula mambu mampimpita. 24 Okumama kikilu, kansi ke mu nkum’andi ko. Otwasa lufwasu lwampwena, osunda yo sikila muna mana kevanga. Ofwasa akwa nkuma yo nkangu wavauka.+ 25 Muna ngangu zandi zambi, osadila luvunu muna sikila; okuyitundidika muna ntim’andi; ofwasa ndonga muna ntangw’a luvuvamu.* Otelama kanuanisa Mfumu a zimfumu, otololwa kansi ke mu moko ma wantu ko.

26 “Mambu ma mona-meso kia fuku ye mene mavovelo, maludi, kansi lunda mbumb’a mona-meso kiaki, kadi lumbu ina kuna vala kikilu kivovele.”+

27 Vo i mono Daniele, yayoya kikilu yo yela mu yaka lumbu.+ I bosi ntelamene yo sala e salu ya ntinu;+ kansi, yabakama kizungu-zungu mu kuma kia mona-meso, ke vakedi muntu ko wafwana kio bakula.+