Yesaya
14 Kadi Yave ofwila Yakobo e nkenda,+ osola diaka Isaele.+ Okubasikidisa* muna nsi au,+ e nzenza zikubayikama, zilaminina e nzo a Yakobo.+ 2 E nkangu mikubabonga yo kubavutula* vana fulu kiau, muna nsi a Yave, e nkangu mikituka se ntaudi zamakala ye zamakento za nzo a Isaele;+ e Isaele ikanga awana babanata muna kinkole yo yala awana babasadisanga e salu yangolo.*
3 Muna lumbu kina o Yave kekuvundisa muna mpasi zaku, muna ntokani zaku ye muna ubundu una wasiwa,+ 4 ongeye oveza ntinu a Babele muna kingana eki:
“Ekwe nsuka kasukidi ndiona wasadisanga akaka e salu yangolo!*
O lubangamu lufokokele!+
5 Yave otolwele o nkau a kimpumbulu,
E mvual’a ayadi,+
6 Ndiona wawendeng’e nkome kwa nkangu ntangwa zawonso kuna makasi,+
Ndiona wayadiding’e zula kuna nsita yo lubangamu lwangolo.+
7 Owau e nza yawonso ivundidi, ivuvamene.
O nkangu ukazidi ye kiese.+
8 Kana nkutu i nti mia sipelese miyangalele mu kuma kiaku,
Kumosi ye nsedele mia Lebanone.
Mivovele vo: ‘Tuka wabwididi,
Ke vena nzengi a nti ko wizidi kutuzenga.’
9 Kana nkutu i Ziami* kuna nsi mu zaka-zaka kina
Mu wanana yaku vava okulumuka.
Mu kuma kiaku, e ziami kisikamesa awana bakondelo nkuma muna lufwa,
Afidi awonso bena vo abangiki* ova nza.
Kitelamese atinu awonso a zula vana kunda yau ya kimfumu.
10 Yau awonso bamvovese vo:
‘Ongeye mpe otovokele nga i yeto e?
Okitukidi nga i yeto e?
E mimvidi miyalumukini kuna nsi aku nga mfulu,
E ngambu* i vunga diaku.’
12 Ekwe mpila osangumukini tuka kuna zulu,
Ongeye ntetembwa a nkezimi, mwan’a nkielelo!
Ekwe mpila ozengelo yo nungunua vana ntoto,
Ongeye wasundanga e zula!+
13 Ongeye ovovele muna ntim’aku vo: ‘Tomboka itomboka kuna zulu.+
Izangika e kunda kiame kia kimfumu vana ntandu a ntetembwa za Nzambi,+
Yo vuanda vana mongo a lukutakanu,
Kuna nsuka-nsuka za node.+
14 Itomboka vana ntandu a matuti;
Ikuyifwananesa yo Mpungu-nene.’
15 Kansi, okulumunua yamuna Ziami,*
Yamuna sina dia wulu.
16 Awana bekumona bekutungununa;
Bekufinama yo kutaluziola yo vova vo:
‘Nga ndioyu i muntu wanikwining’e nza,
Ona wazakamesenge yitinu,+
17 Ona wakitula e nza nga makanga
Yo bangula e mbanza zandi,+
Ona kayambulanga abakami andi ko bavutuka kuna nzo?’+
19 Vo i ngeye, olozelo kondwa kwa ziami,
Nga ntombo angemi,*
Ofukilu kwa mavimbu ma awana batompwelo muna nsosolo,
Ana bekulumukanga muna wulu diazala yo matadi,
Nga vimbu didiatakeso.
20 Ongeye kuzikwa kumosi ye atinu ko,
Kadi ongeye ofwasidi e nsi aku,
Ovondele o nkangu aku.
E nkumbu a mbongo a wantu ambi ke iyikwa diaka ko.
21 Nukubika e fulu kia vondela wan’andi
Mu kuma kia bi wa akulu au,
Kimana balembi telama yo vua e nza
Yo zadisa e nza ye mbanza zau.”
22 “Ikubatelamena,”+ u kavovele o Yave a vu.
“Ifukisa emvimba muna Babele e nkumbu andi, nsadiswa andi, mbongo andi ye ana belanda,”+ u kavovele o Yave.
23 “Ikitula yo se vua dia nsekele ye zunga kia mayanga, ikomba yo muna sesa kia lufwasu,”+ u kavovele o Yave a vu.
24 Yave a vu odidi e ndofi vo:
“Wauna ngindwidi i una divangamena,
Wauna nkanini i una dilunganena.
25 Ikosomona Nsuri muna nsi ame,
Ikundiatakesa muna miongo miame.+
E vangu kiandi kikatulwa muna nkangu ame,
E zitu diandi dikatulwa vana mavembo mau.”+
26 Ezazi i nzengo zibakilu mu kuma kia* nza yawonso,
Okwaku i koko kulambukidi mu kuma kia* zula yawonso.
27 Kadi Yave a vu obakidi e nzengo,
Nani olenda zo fungisa?+
O koko kwandi kulambukidi,
Nani olenda ko vutula?+
28 Muna mvu una o Ntinu Akazi kafwa,+ Nzambi watwika e nsangu ezi:
29 “E Felesetia, ke mosi ko omu ngeye ofwete yangalala,
Wau vo e mvual’a ndiona wanuwandanga itolwelo.
Kadi muna mwanzi a nioka+ muvaika niok’a mânga ampondi,+
E mbongo andi ikala se niok’ampondi itilumukanga.*
30 Ekolo wan’antete a akondami bedia
Ye asukami belekela mu luvuvamu,
Ivondela o mwanzi aku muna nzala,
Ina isala omu ngeye vondwa ivondwa.+
31 Dila, e vitu! Kaza, e mbanza!
Kendalala nukendalala yeno awonso, e Felesetia!
Kadi o mwisi utuka kuna node,
Ke kesa dimosi ko divengomokene muna nlonga
andi.”
32 Adieyi bevutula kwa anati a nsangu a zula?
Bekubavutula vo Yave okubidi e nkubilw’a Zione,+
I mûna mutinina awana bakondwa nsadisi muna nkangu andi.