Yeremiya
17 “E sumu dia Yuda disonamene muna lapi* kia sengwa.
Disonekeno ye nsuk’a diamanta muna babu kia ntima miau,
Muna mpoka za maziku mau,
2 Wau vo wan’au beyindulanga maziku mau ye mavindi mau mavauka*+
Kuna nsi a nti miasavuka, muna kundubulu yazanguka,+
3 Muna miongo muna nzanza.
Ivana mavua maku ye tusalu twaku twawonso se sanzu,+
Elo, fulu yaku yansambila yazanguka mu kuma kia masumu mavolwa muna mvivu miaku miawonso.+
4 Muna lukanu lwaku, obembola e vua dina yavana.+
Ikuyambula wenda sadila mbeni zaku muna nsi ina kuzeye ko,+
Kadi yeno nuakwika makasi mame nze tiya.
Tuna tukwama yakwele mvu.”+
5 I wau wuwu kavovele o Yave:
“Wasibwa o muntu* obunda e vuvu muna mpasi muntu,+
Ona oyekamene muna nkum’a wantu,*+
Ana bena vo ntima miau miayambula Yave.
6 Okala nze nti wina kinsona muna makanga.
Ke mona ko vava wete ulwaka,
Kansi okala muna fulu yayuma muna makanga,
Muna nsi a mungwa, ke ilendi zingila muntu ko.
8 Okala nze nti ukuninu vana ndambu a maza,
Uyandanesa e mianzi miandi muna maza.
Ke mona mbangazi ko vava ilwaka,
Kansi o makaya mandi mesavuka ntangwa zawonso.+
Muna nsungi a kala ke telamwa moyo ko,
Ngatu yambula yima bundu.
9 O ntima usundidi tekama muna lekwa yawonso, wambi kikilu.*+
Nani olenda wo zaya?
10 Mono Yave, ifimpanga ntima,+
Ye nsi a mbundu,
Yasenda konso muntu mun’owu wa nzila zandi
Mun’owu wa mbongo a salu kiandi.+
11 Nze ngumbe obutamene maki mana kalembi lozela,
I una o muntu obakidi kimvuama, kansi ke muna unsongi ko.+
Mekunsisa vana kati kwa zingu kiandi,
Kuna mbaninu i kemonekena vo zowa kwandi.”
12 E kunda kia nkembo kitundikikwa tuka kuna lubantiku,
I fulu kia nzo eto avauka.+
13 E Yave, wa vuvu kia Isaele,
Awonso ana bekuyambula befusulwiswa e nsoni.
Awana bavengomokene muna ngeye,* e nkumbu zau zisonekwa vana mbundukutu,+
Kadi bayambwidi Yave wa nto a maza ma moyo.+
14 Unsasula, e Yave, yasasuka.
Umpuluza, yavuluzwa,+
Kadi ongeye i nkembelelw’ame.
15 Tala, vena ye akaka bekumpovesanga vo:
“Akweyi kwina e diambu dia Yave?+
Yambula dialungana owau!”
16 Vo i mono, kiyambudi kulanda ko nze mvungudi,
Ngatu yavingila e lumbu kia mpasi.
Otomene zaya mawonso mavovele befo yame;
Mawonso vana ntadisi aku mavangamene!
17 Kukadi se kuma kia zakamena ko kwa mono.
Ngeye i tininu diame muna lumbu kia mpasi.
18 Yambula alakami ame bafusulwiswa e nsoni,+
Kansi omono kifusulwa nsoni ko.
Yambula bavumiswa.
Kansi, omono kivumiswa ko.
Ubatwasila e lumbu kia mpasi,+
Ubakosomona yo kubafwasa emvimba.
19 I wau wuwu kampovese o Yave: “Wenda telama vana vitu dia wan’a nkangu, dina bekotelanga atinu a Yuda, dina mpe bevaikilanga, ye muna mavitu mawonso ma Yerusaleme.+ 20 Ubavovesa vo: ‘Nuwá e diambu dia Yave, yeno atinu a Yuda, e nkangu wawonso wa Yuda ye esi Yerusaleme awonso bekotelanga muna mavitu mama. 21 I wau wuwu kavovele o Yave: “Nuyikenga, ke nunati zitu ko muna Lumbu kia Vundu, yovo kota diau muna mavitu ma Yerusaleme.+ 22 Ke nufwete vaikisa zitu ko muna nzo zeno muna Lumbu kia Vundu; ke nufwete sala konso salu ko.+ Nuvaula kaka e Lumbu kia Vundu, wauna yakanikina kwa mase meno.+ 23 Kansi ke bawidi ko ngatu tamba matu mau, ke bazolele wá ko,* ngatu tambulwila e longi.”’+
24 “‘“Kansi, avo nutoma kundemvokela,” u kavovele o Yave, “yo lembi kota ye zitu muna mavitu ma mbanza yayi muna Lumbu kia Vundu, nuavaula kaka e Lumbu kia Vundu muna lembi sala konso salu,+ 25 ozevo, atinu ye akuluntu ana bevuanda vana kunda kia kimfumu kia Davidi,+ bekotela muna mavitu ma mbanza yayi, bediatila muna makalu ye mvalu, oyau ye akuluntu au, esi Yuda yo nkangu a Yerusaleme;+ e mbanza yayi izingilwa kwa wantu yakwele mvu. 26 O wantu betuka muna mbanza za Yuda, muna mavata mazietele Yerusaleme, muna nsi a Benyamini,+ muna ndimba,+ muna zunga ya miongo ye muna Nengebe,* betwasa tukau twawonso twangioka,+ yimenga,+ tukau twa mbwaza,+ ndumbu a nti a lebona yo tukau twamatondo muna nzo a Yave.+
27 “‘“Kansi, avo ke nukungwila ko, nuayambula vaula e Lumbu kia Vundu, nuanata mazitu yo kotesela mo muna mavitu ma Yerusaleme muna Lumbu kia Vundu, ikwika tiya muna mavitu mandi; twabomona emvimba nzo zandá za Yerusaleme,+ ke tuzimwa ko.”’”+