Nkunga
97 Yave okitukidi se Ntinu!+
Yambula e nza yamona e kiese.+
Yambula e sanga yayingi yayangalala.+
4 E nsemo miandi mitemese o ntoto;
E ntoto vava umwene mio, uzakamene.+
5 E miongo mizelokele nze sasala kia wiki vana vena Yave,+
Vana vena o Mfumu a nza yawonso.
6 E zulu disamunanga unsongi wandi,
E nkangu miawonso mimwene o nkembo andi.+
7 Awonso besadilanga teke yavalwa, yambula bafusuka e nsoni,+
Awana bekuyisananga mu kuma kia nzambi zau zakondwa mfunu.+
Numfukamena,* yeno nzambi zawonso.+
9 Kadi ngeye, e Yave, u Mpungu-nene mu nza yawonso;
Watundalala vana ntandu a nzambi zawonso.+
10 Oyeno nuzolanga Yave, numenga o bi.+
11 O ntemo utemene muna ansongi+
Ye kiese muna akwa ntima miansongi.
12 Nuyangalela muna Yave, e yeno ansongi,
Nuvana matondo muna nkumbu andi avauka.*