Lusengomono kwa Yoane
2 “Kuna kwa mbasi+ a nkutakani ina muna Efeso+ soneka vo: I mau mama mavovele ndiona osimbidi ntetembwa nsambwadi vana koko kwandi kwalunene yo kangala vana kati kwa zangikilwa nsambwadi ya minda ya wolo:+ 2 ‘Nzeye mavangu maku, mfuntuk’aku yo luzindalalu lwaku, nzeye wo vo kutondanga wantu ambi ko, ofimpanga awana bekiyikilanga vo antumwa,+ kansi ke antumwa ko, omwene vo akwa luvunu. 3 Osonganga mpe luzindalalu, ozizidilanga muna diambu dia nkumbu ame+ yo lembi yoya.+ 4 Kansi tala, diambu edi ibakidi: Wayambula o zola wakala kwau kuna lubantiku.
5 “‘Dianu vo, sungamena una wakala vitila wabwa, viluka o ntima+ yo vutukila mavangu maku mantete. Avo kuvilukidi o ntima ko,+ ikwiza kwa ngeye yo katula zangikilwa kiaku kia minda+ vana fulu kiandi. 6 Kansi, diambu diambote una diau: Omenganga mavangu ma alandi a malongi ma Nikolao,+ mana imenganga mpe. 7 Ndiona una yo matu, yambula kawá edi divovele mwanda kwa nkutakani:+ Ndiona osunda+ ikunyambula kadia e bundu kia nti a moyo+ una muna paradiso ya Nzambi.’
8 “Kuna kwa mbasi a nkutakani ina muna Semurena, soneka vo: I mau mama mavovele ‘Ndiona Wantete ye Wansuka,’+ ona wakala wafwa ye una diaka o moyo:+ 9 ‘Nzeye mpasi zaku yo usukami waku—kansi u mvuama+—ye lutiangu lwa awana bekukiyikilanga vo Ayuda, kansi ke Ayuda kwau ko, oyau i sambilu dia Satana.+ 10 Kumoni wonga ko mu kuma kia mpasi zina omona.+ Nkadi ampemba osia ankaka muna yeno muna pelezo kimana nuatontwa kikilu, numona e mpasi mu lumbu kumi. Zizidila ye kwikizi kana nkutu yamuna lufwa, ikuvana kolowa kia moyo.+ 11 Ndiona una yo matu, yambula kawa+ edi divovele mwanda kwa nkutakani: Ndiona osunda+ ke mona nkutu lufwa lwazole ko.’+
12 “Kuna kwa mbasi a nkutakani ina muna Pengamo, soneka vo: I mau mama mavovele ndiona wina yo nsosolo wandá, watwá, wa meno mole:+ 13 ‘Nzeye koko wina, i sia vo, koko kwina e kunda kia Satana; kansi osimbinini nkumbu ame,+ kuvakwidi nkalu ko muna lukwikilu lwaku omu mono,+ kana nkutu muna lumbu ya Antipa wa mbangi ame akwikizi,+ ona wavondelwa+ vana ndambu eno, koko kukalanga Satana.
14 “‘Kansi, mambu makete ibakidi: Wina ye awana belandanga malongi ma Bilami,+ ona walonga Balaki+ kasia e sakuba vana vena wan’a Isaele kimana badia e yimenga ya teke yo tá e zumba.*+ 15 Diau dimosi, ongeye mpe wina ye awana belandanga malongi ma Nikolao.+ 16 Dianu vo, viluka o ntima, avo ke wau ko, ikwiza kwa ngeye mu nzaki, ikubanuanisina muna nsosolo wandá wa nu’ame.+
17 “‘Ndiona una yo matu, yambula kawá edi divovele mwanda kwa nkutakani:+ Ndiona osunda+ ikumvana ndambu a mâna ina yaswekwa,+ ikumvana mpe tadi diampembe yo soneka vana tadi e nkumbu ampa ina ke izayakene kwa muntu ko, nanga vo ndiona kaka oveno yo.’
18 “Kuna kwa mbasi a nkutakani ina muna Tuatira,+ soneka vo: I mau mama mavovele o Mwan’a Nzambi, ndiona wina yo meso nze nlaku a tiya+ yo malu nze nsongo ambote:+ 19 ‘Nzeye mavangu maku, zola kwaku, lukwikilu lwaku, uselo waku yo luzindalalu lwaku, o mavangu maku mansuka masundidi oma mantete.
20 “‘Kansi, diambu edi ibakidi: Oyambulwidi o nkento ndioyo Izebele,+ ona okukiyikilanga vo ngunza ankento, olonganga yo vukumuna ntaudi zame bata e zumba*+ yo dia yimenga ya teke. 21 Imvene ntangwa kaviluka o ntima, kansi kazolele viluka ntima ko muna mavangu mandi ma zumba.* 22 Ozevo, se ikuntuba vana mfulu a mayela, ye awana betanga yandi e zumba ikubamwesa mpasi zayingi, nanga vo baviluka e ntima muna mavangu mandi. 23 O wan’andi ikubavondela muna vuku kiampondi, kimana e nkutakani zawonso za zaya wo vo omono ifimpanga e nsi a mbundu ye ntima yo kunusendela konso muntu mun’owu wa mavangu mandi.+
24 “‘Kansi, mpovele kwa ankaka muna yeno nuna muna Tuatira, awonso ana ke belandanga longi diadi ko, ye awana balembele zaya oma meyikilwanga vo “mambu masina ma Satana”:+ Kinutensekele zitu diankaka ko. 25 Kansi, nusimbinina mana nuina mau yavana ikwiza.+ 26 Ndiona osunda yo landa nzila zame yakuna nsuka, ikumvana e wisa kia zula,+ 27 ovungula nkangu muna mvuala ya sengwa,+ kimana bakosomonua nze yinzu ya tûma, wauna yatambula kwa Se diame. 28 Ikumvana ntetembw’a mene-mene.+ 29 Ndiona una yo matu yambula kawa edi divovele mwanda kwa nkutakani.’