Osea

 2 Nufunda ngudi eno; numfunda,

Kadi ke nkaz’ame ko,+ omono kiyakala diandi ko.

Kafwete yambula tá zumba

Yo katula e zumba muna ntulu zandi,*

 3 Avo ke wau ko, ikunkola nlele yo kunsisa e nkonga nze mu lumbu kina kawutuka,

Ikunkitula se makanga,

Nze nsi yakondwa maza,

Yo kunyambula kafwa mu kuma kia vuina.

 4 O wan’andi kikubafwila nkenda ko,

Kadi wan’a zumba.

Ndiona wabawuta ovangidi mambu mansoni,+ kadi ovovele vo,

‘Ikwenda landi azodi ame,+

Ana bekumpananga madia yo maza,

Ye mvuatu mia mika mia mameme, lino, mazi ye malavu.’

 6 Dianu vo, isia nkaku a nsende muna nzil’aku;

Itelamesa yaka kia matadi kiankakidila,

Kimana kalembi solola nzila zandi.

 7 Okwenda landi azodi andi, kansi ke kubabaka ko;+

Okwenda kubavava, kansi ke kubasolola ko.

I bosi ovova vo: ‘Yambula yavutuka kwa nkaz’ame wantete,+

Kadi muna ntangwa yayina e zingu kiame kiambote kiakala ke mu wau ko.’+

 8 Kazeye wo diaka ko vo mono yamvana masa,+ vinyu yampa ye mazi,

Mono yamvana ulolo wa palata,

Ye wolo una basadilanga muna nsambil’a Bale.+

 9 ‘I dianu vo, ibonga masa mame muna ntangw’andi

Ye vinyu yampa muna nsungi andi,+

Ikutumuna mvuatu ame wa mika mia mameme ye lino ina ifukanga nkong’andi.

10 Owau isenzeka nitu andi vana vena azodi andi,

Kavena muntu ko okumvuluza vana moko mame.+

11 Sukisa isukisa kiese kiandi,

Nkinzi miandi,+ nzangama za ngonde, lumbu ya vundu ye nsungi zandi zawonso za nkinzi.

“Wau i mfutu yatambula kwa azodi ame;”

Ikitula zo se mfinda,

E bulu ya mfuta bedia yo.

13 Ikumfundisa mu kuma kia lumbu ina katambikanga yimenga kwa teke ya Bale,+

Vava kayiviengesanga ye nlunga ye nsanga yo kwenda landi azodi andi,

Yo kumvilakana,’+ u kavovele o Yave.

14 ‘I dianu vo leba ikunleba,

Ikunata kuna makanga,

Yamvovesa kimana yasimba o ntim’andi.

15 Tuka muna ntangwa yayina ikumvutulwila e mpatu zandi za vinyu,+

Ikitula ndimb’a Ako+ se mwelo a vuvu;

Vavana i kevanina mvutu nze muna lumbu ya kileke kiandi,

Nze muna lumbu kina kavaika muna nsi a Engipito.+

16 Muna lumbu kiakina,’ u kavovele o Yave,

‘Okungikila vo Nkaz’ame, kukungikila diaka ko vo Mfumu ame.’*

17 ‘Kikunyambula ko kavovela diaka nkumbu za teke ya Bale,+

E nkumbu zau ke ziyindulwa diaka ko.+

18 E lumbu kiakina ikanga e kangu ye bulu ya mfuta,+

Ye nuni za zulu ye lekwa izanzalanga ova ntoto muna wete dia nkangu ame;+

Itolola mfumba, nsosolo yo sukisa e vita,+

Ikubayambula bazingila kuna luvuvamu.+

19 Ikuzitikila yakwele mvu;

Ikuzitikila kuna unsongi ye ziku,

Muna walakazi* ye nkenda.+

20 Ikusonga e kwikizi yakwele mvu,

Osinga zaya kieleka Yave.’+

21 ‘Muna lumbu kiakina ivana e mvutu,’ u kavovele o Yave,

‘Ivana mvutu kwa zulu,

E zulu divana mvutu kwa ntoto;+

22 O ntoto uvana mvutu kwa masa, vinyu ampa ye mazi;

Eyayi ivana e mvutu kwa Yizerele.*+

23 Ikunkuna nze mbongo muna ntoto,+

Ifwila e nkenda kwa ndiona walembi fwilwa e nkenda;*

Awana bena vo ke nkangu ame ko ikubavovesa vo:* “Nu nkangu ame,”+

Oyau bevova vo: “U Nzambi ame.”’”+