Osea
4 Nuwá diambu dia Yave, e nkangu a Isaele,
Kadi o Yave diambu kena diau yo nkangu a nsi,+
Kadi muna nsi ke muna ludi ko, walakazi, ngatu zayi wa Nzambi.+
2 Ndofi za luvunu, vuna,+ vonda,+
Wivi ye zumba+ iwokele,
O nkangu ubungulanga menga m’akwau ntangwa zawonso,+
3 Dianu vo e nsi idila,+
Wantu awonso bena mo beyoya;
E bulu ya mfuta, nuni za zulu,
Ye mbizi za kalunga nkutu, zifwa.
4 “Kansi, ke vakadi muntu ko otantana ngatu semba,+
Kadi nkangu aku una nze awana betantana ye nganga.+
5 Dianu vo ota sakuba muna mwini,
O ngunza ota yaku sakuba nze muna fuku.
Fwasa ifwasa ngudi aku.
6 Nkangu ame ufwaswa, kadi ke banzeye ko.
Wau vo obembwele o zayi,+
Omono mpe ikubembola kimana walembi kala diaka nganga ame;
Kadi ovilakene o nsiku wa Nzambi aku,+
Omono mpe vilakana ivilakana wan’aku.
7 Vava bewokela, beluta kunsumukina.+
Isinga kitula nkembo au se nsoni.*
8 Bedilanga muna sumu dia nkangu ame,
Yo zinukina o* bi wau.
9 O nkangu ye nganga bafwanana;
Ikubatumba mu kuma kia nzila zau,
Yo kubatwasila mfwilu mu kuma kia mavangu mau.+
10 Bedia, kansi ke beyukuta ko.+
Beta zumba, kansi ke bewokela ko+
Kadi ke bazitisi Yave ko.
12 O nkangu ame wele yuvula teke ya nti,
Bevanganga mana bevoveswa kwa nkau miau;*
Kadi o mwand’a zumba ukubavukumunanga,
Muna kuma kia zumba yau ke bazolele lemvokela Nzambi ko.
13 Bakelele yimenga kuna ntandu za miongo,+
Yo yoka ndumbu kuna kundubulu,
Kuna nsi a nti mia sene ye terebinte ye nti miawonso mianene,+
Kadi e viozi yau yambote.
Ekiaki i kuma wan’aku amakento batelele zumba
Yo wan’aku a longo batelele zumba.
14 Kitumba wan’aku amakento ko mu kuma kia zumba yau,
Yo wan’aku a longo mu kuma kia zumba yau.
Kadi wan’amakala bavaikidi ye akembi
Yo tambika yimenga ye akembi a tempelo;
O nkangu wau wakondwa umbakuzi,+ fwaswa ufwaswa.
16 Kadi Isaele okitukidi nkwa lulendo nze ngombe a lulendo.+
Nga Yave ke kumvungula ko nze mwan’a meme muna madilu?*
17 Eferaime otatamene e teke.+
Yambula kakala yandi mosi!
Ayadi andi* bazolele kikilu e nsoni.+
19 E tembwa kinata mave mandi,
Bemwena yimenga yau e nsoni.”