Sefaniya
1 Ediadi i diambu dia Yave dina katambula o Sefaniya* wa mwan’a Kusi, wa mwan’a Ngedaleya, wa mwan’a Amareya, wa mwan’a Kizekeya, muna lumbu ya Yosiya+ wa mwan’a Amone,+ wa ntinu a Yuda:
2 “Ifwasa e mvimba yawonso ina ova nza,” u kavovele o Yave.+
3 “Ifwasa o muntu ye bulu.
Ifwasa e nuni za zulu ye mbizi za kalunga.+
4 “Nlambula koko kwame mu fwasa e Yuda
Ye nkangu awonso a Yerusaleme,
Ifwasa e mvimba e nsadiswa za Bale ova fulu kiaki,+
E nkumbu za nganga za nzambi zaluvunu kumosi ye nganga zaluvunu vana vena nkangu ame,+
5 Ye awana befukamenanga e vu kia zulu vana nludi mia nzo,+
Awana befukamanga yo dia ndofi ya sambila kaka Yave+
Ekolo bedianga mpe ndofi ya sambila kaka Malekame;+
6 Awana bayambwidi landa Yave+
Ye awana ke bevavanga Yave ko ngatu kunyuvula.+
7 Nukala e pi-i vana ndose a Mfumu Yave, kadi e lumbu kia Yave kifinamene.+
Yave okubikidi kimenga; osambwidi awana kabokele.
8 “Muna lumbu kia kimenga kia Yave, itá mbalu ye akuluntu,
Yo wan’a ntinu,+ ye awonso bevuatanga e mvuatu mia kinzenza.
9 Muna lumbu kiakina, itá mbalu ye awonso bemantanga vana ntend’a nkongolo,*
Awana bezadisanga e nzo za mfumu zau yo umpumbulu yo luvunu.
10 Muna lumbu kiakina,” u kavovele o Yave,
“Mukala kazu tuka kuna Vitu* dia Mbizi za Maza,+
Dilu tuka kuna belo kiampa muna mbanza,+
Ye mazu mangolo tuka kuna miongo.
12 Muna lumbu kiakina, isatulula Yerusaleme ye mini,
Itá mbalu ye minkondwa ntokani,* ana bevovanga muna ntima miau vo,
‘Yave ke vanga diambote ko, ke vanga mpe diambi ko.’+
13 Mavua mau mesanzwa, e nzo zau zifwaswa.+
Betunga nzo, kansi ke bekala mo ko;
Bekuna mpatu za vinyu, kansi ke benua mo vinyu ko.+
14 E lumbu kia Yave kifinamene!+
Kifinamene, mu nzaki kikwizilanga!+
E zú dia lumbu kia Yave dia ndudi.+
Muna lumbu kiakina o kesa okaza.+