Zakariya

8 E diambu dia Yave a vu dizidi diaka, oku vo: 2 “I wau wuwu kavovele o Yave a vu, ‘ikala yo vema mu kuma kia Zione, vema kwayingi kikilu,+ ye nganzi zayingi ikala yo vema mu kuma kiandi.’”

3 “I wau wuwu kavovele o Yave, ‘Ivutuka muna Zione+ yo zingila muna Yerusaleme;+ Yerusaleme iyikilwa vo mbanz’aludi,*+ mongo a Yave a vu, mongo avauka.’”+

4 “I wau wuwu kavovele o Yave a vu, ‘Akala anunu ye akento anunu bevuanda diaka muna ntanda* mia Yerusaleme, konso muntu ye nkau andi vana koko mu kuma kia mvu miandi miayingi.*+ 5 E ntanda* mia mbanza mizala ye aleke amakala ye amakento besakananga.’”+

6 “I wau wuwu kavovele o Yave a vu: ‘Kana una vo muna lumbu yayina e diambu diadi dilenda moneka vo diampasi kuna kwa nsadiswa za nkangu wau, nga diampasi mpe dikala kwa mono?’ u kavovele o Yave a vu.”

7 “I wau wuwu kavovele o Yave a vu, ‘Ivuluza nkangu ame yo kubavaikisa muna nsi za este ye weste.*+ 8 Ikubatwasa, bezingila muna Yerusaleme;+ bekala se nkangu ame, mono ikala se Nzambi au+ muna ludi* ye unsongi.’”

9 “I wau wuwu kavovele o Yave a vu: ‘Nukumika o moko meno,*+ oyeno nuwanga mambu mama muna nua mia angunza,+ o mambu mama mau mamosi mavovua muna lumbu kia kubwa nkubilw’a nzo a Yave a vu kimana tempelo yatungwa. 10 Kadi vitila ntangwa yayina, ke mwakala mfutu kwa wantu ko yovo kwa bulu;+ muna kuma kia mbeni, ke muntu ko wakotanga ngatu vaika, kadi yasia ntantani kwa wantu awonso, konso muntu yo nkwandi.’

11 “‘Una yakadila ye nkangu wau muna lumbu yavita, ke wau diaka ko ikadila y’awana basala muna yau,’+ u kavovele o Yave a vu. 12 ‘Kadi vekunua mbongo a luvuvamu; e nsing’a vinyu uyima bundu yandi, ntoto uyima mbongo andi,+ e zulu divaikisa e lowa; iyambula vo awana basala muna nkangu wau bavua e lekwa yayi yawonso.+ 13 Wauna nuayikilwanga se nona kia sibu muna zula,+ e nzo a Yuda ye nzo a Isaele, i una ikunuvuluzila, nuyikilwa vo akwa nsambu.+ Ke numoni wonga ko!+ Nukumika o moko meno.’*+

14 “Kadi i wau wuwu kavovele o Yave a vu: “Wauna yabakila nzengo za kunutwasila mpasi muna kuma kia mase meno bamfungisa makasi,” u kavovele o Yave a vu, “kiayibanza ko muna diambu diadi,+ 15 owau ngina ye kani dia vanga wete kwa Yerusaleme ye nzo a Yuda.+ Ke numoni wonga ko!”+

16 “‘Emama i mambu nufwete vanga: Nuvova ludi kwa muntu yo nkwandi,+ nufundisila muna unsongi* ye luvuvamu muna mavitu meno.+ 17 Ke nukani mbi kwa muntu yo nkwandi ko muna ntima mieno,+ nuyambula dia ndofi ya luvunu;*+ kadi mambu mama mawonso i mau imenganga,’+ u kavovele o Yave.”

18 E diambu dia Yave a vu dizidi diaka kwa mono, oku vo: 19 “I wau wuwu kavovele o Yave a vu: ‘E mfionkonon’a* ngonde ya nyá,+ e mfionkonon’a ngonde yatanu,+ e mfionkonon’a ngonde ya nsambwadi+ ye mfionkonon’a ngonde ya kumi+ ikala se ntangw’a luyangalalu ye kiese kuna kwa nzo a Yuda—nkinzi mia kiese.+ Dianu vo, nuzola e ludi ye luvuvamu.’

20 “I wau wuwu kavovele o Yave a vu: ‘Vekala ye lumbu kina nkangu y’esi mbanza zayingi bekwiza; 21 esi mbanza imosi bekwenda kwa esi mbanza yankaka, oku vo: “Yambula twenda dodokela dienga dia* Yave yo vava Yave a vu. Mono mpe kwenda ikwenda.”+ 22 E nkangu miayingi ye zula yangolo bekwiza vava Yave a vu muna Yerusaleme+ yo dodokela dienga dia* Yave.’

23 “I wau wuwu kavovele o Yave a vu, ‘Muna lumbu yayina, wantu kumi muna ndinga zawonso za zula+ besimbinina, elo, besimbinina mvuatu* a Nyuda, oku vo: “Kwenda tukwenda yeno,+ kadi tuwidi vo Nzambi una yeno.”’”+