Wantete wa Paulu Kuna kwa Esi Korinto

5 Kieleka, ngwidi wo vo mavangu ma zumba*+ mena vovo nuina, e zumba kina ke kiakedi nkutu ko vana vena esi zula—muntu ozinganga yo* nkaz’a se diandi.+ 2 Nga nukuyisananga muna diambu diadi e? Ke ntantu ko lwadi mona+ kimana ndiona ovangidi diambu diadi kakatulwa vana kati kweno?+ 3 Kana una vo kina yeno ko muna nitu, ngina yeno muna mwanda, dianu vo, dianu vo mfundisi kala ona ovangidi e diambu diadi, nze mono ngina yeno. 4 Vava nukutakananga muna nkumbu a Mfumu eto Yesu, yo zaya wo vo ngina yeno mpe muna mwanda yo nkum’a Mfumu eto Yesu, 5 nufwete yekola muntu ndioyo kwa Satana+ muna lufwasu lwa nitu,* kimana o mwanda* wavuluzwa muna lumbu kia Mfumu.+

6 O lusanu lweno ke lwambote ko. Nga ke nuzeye wo ko vo e mfuna yandwelo ifunisanga mbumba wawonso e?+ 7 Nukatula e mfuna yankulu, kimana nuakala se mbumba wampa, wau vo ke luna ye mfuna ko.* Kadi Kristu wa mwan’a meme dieto dia Nduta,+ wakelwa kala.+ 8 Dianu vo, yambula twadia e lambu,+ ke mu mfuna yankulu ko ngatu mu mfuna ya umpumbulu ye mbi, kansi mu mbolo zakondwa o mfuna, za ziku ye ludi.

9 Muna nkand’ame yanusonekena vo nuyambula kala entwadi ye minta-zumba,* 10 ke disongele ko vo minta-zumba* mia nza yayi+ yovo akwa loko yovo mivi ngatu asambidi a teke. Avo i wau, katuka nuadi katuka ova nza.+ 11 Kansi owau inusonekene vo nuyambula kala entwadi+ ye konso muntu oyikilwanga vo mpangi una vo munta-zumba* yovo nkwa loko+ yovo nsambidi a teke yovo nkwa lutiangu yovo nduvu a malavu+ ngatu mundia-nzimbu zangani,+ ke nudie yandi nkutu ko. 12 Nga mono ngina ye kiyekwa kia fundisa awana bena kuna mbazi e? Ekuma nulembi fundisila awana bena muna kati, 13 wau vo Nzambi ofundisanga awana bena kuna mbazi e?+ “Nukatula muntu a mbi vana kati kweno.”+