Lusengomono kwa Yoane

7 I bosi, mbwene mbasi yá zitelamene muna konko yau yá ya nza, zisimbinini e tembwa yá ya nza kimana valembi vevomoka tembwa ova nza yovo muna kalunga ngatu muna konso nti. 2 Mbwene mbasi ankaka otombokele tuka kuna kuvaikilanga ntangwa,* una ye dimbu kia Nzambi amoyo; obokele muna nding’angolo kwa mbasi zau yá zina zavewa o nswa wafwasa o ntoto ye kalunga, 3 oku vo: “Ke nuvangi ntoto diambu ko yovo kalunga ngatu nti, yavana tusia ntaudi za Nzambi eto e dimbu+ vana ndose zau.”+

4 Ngwidi lutangu lwa awana basiwa e dimbu, 144.000,+ basiwa e dimbu muna makanda mawonso ma wan’a Isaele:+

9 I bosi, mbwene ndong’ayingi ina ke ilendi tangwa kwa muntu ko, itukidi muna zula yawonso ye makanda ye nkangu ye ndinga,+ itelamene vana ntadisi a kunda ye vana ndose a Mwan’a meme, bavuete mvuatu miampembe;+ bena ye ndala vana moko mau.+ 10 Bebokanga muna nding’a ngolo, oku vo: “Luvuluzu lutukidi kwa Nzambi eto ona ovuende vana kunda+ ye kwa Mwan’a meme.”+

11 Mbasi zawonso zitelamene muna nzunguluk’a kunda ye akuluntu+ ye vangwa yau yá yamoyo, bafukamene yo bukika e ndose zau vana ntwal’a kunda yo sambila Nzambi, 12 bavovele vo: “Amen! Lusanisinu yo nkembo ye ngangu yo matondo yo zitu ye nkuma ye ngolo kuna kwa Nzambi eto yamu mvu ya mvu.+ Amen.”

13 Mosi muna akuluntu umpovese vo: “Aki nani awaya bavuete mvuatu miampembe,+ akweyi batukidi?” 14 Vana vau imvovese vo: “E Mfumu ame, ngeye ozeye.” Umpovese vo: “Awaya i yau batukidi muna mpasi zayingi,+ basukwidi e mvuatu miau yo pembesela mio muna menga ma Mwan’a meme.+ 15 I kuma benena vana ntwal’a kunda kia Nzambi, bekunsadilanga salu kiavauka fuku yo mwini muna tempelo andi; Ndiona ovuende vana kunda+ okubayalumwinina e saba kiandi.+ 16 Ke bemona diaka nzala ko yovo vuina, ke bebangikwa kwa mwini ko ngatu kwa mbangazi,+ 17 kadi o Mwan’a meme,+ ona una vana kati kwa kunda okubavungula+ yo kubafila kuna nto za maza ma moyo.+ Nzambi okunguna mansanga mawonso muna meso mau.”+