Nkunga

28 Kwa ngeye mbokele, e Yave wa Tadi diame;+

Kuyambula kungwa ko.

Avo wakala kaka e pi-i oku ngina,

Ikala nze awana bekulumukanga muna wulu.*+

 2 Wá ndodokela zame avo ilombele lusadisu

Avo nzangwidi moko kuna suku dia nzo aku avauka.+

 3 Kumfundisi kumosi ye yimpumbulu ko, ye mimpanga mambi,+

Awana bevovanga mambu ma luvuvamu kw’akwau ekolo e mbi ina muna ntima miau.+

 4 Ubavutulwila mun’owu wa mavangu mau,+

Mun’owu wa mavangu mau mambi.

Ubasendela mun’owu wa salu ya moko mau,

Mun’owu wa salu kiau.+

 5 Kadi ke besianga sungididi ko muna salu ya Yave,+

Ngatu muna salu kia moko mandi.+

 6 Yambula Yave kakembelwa,

Kadi owidi ndodokela zame.

 7 Yave i ngolo zame+ ye ngubu ame;+

O ntim’ame muna yandi usidi e vuvu.+

Ntambwidi lusadisu lwandi, o ntim’ame uyangalele,

I dianu vo ikunkembelela muna nkung’ame.

 8 Yave i nkuma kuna kwa nkangu andi;

Yandi i swekameno, otwasa luvuluzu kwa kuswa kiandi.+