Lusengomono kwa Yoane
3 “Kuna kwa mbasi a nkutakani ina muna Sadi soneka vo: I mau mama mavovele ndiona una ye mianda nsambwadi mia Nzambi+ ye ntetembwa nsambwadi:+ ‘Nzeye mavangu maku, i sia vo, mu nkumbu kaka winina moyo, kansi wafwa kwaku.+ 2 Yingila+ yo kumika ina yisidi, yina se ifwa, kadi mbwene vo e salu yaku yawonso kulungisi yo ko vana ndose a Nzambi ame. 3 Dianu vo, sungamenanga mana watambula yo wá, lundanga mo yo viluka o ntima.+ Avo kuyingila ko, ikwiza nze mwivi,+ kuzeye ko kana mu nkia ola ikwiza kwa ngeye.+
4 “‘Kansi, una yo wantu akete* muna Sadi ana balembele safula mvuatu miau,+ bekangala yame muna mvuatu miampembe,+ e kuma kadi dibafwanukini. 5 Ndiona osunda,+ ovuikwa mvuatu miampembe,+ e nkumbu andi kivunzuna yo nkutu ko muna nkand’a moyo,+ kansi itambulwila nkumbu andi vana ndose a Se diame ye vana ndose a mbasi zandi.+ 6 Ndiona una yo matu, yambula kawá edi divovele o mwanda kwa nkutakani.’
7 “Kuna kwa mbasi a nkutakani ina muna Filadelefia soneka vo: I mau mama mavovele ona wina vo wavauka,+ ona waludi, + ona wina ye nsabi a Davidi,+ ona oziula kimana valembi kala muntu ozika, ona ozika kimana valembi kala muntu oziula: 8 ‘Nzeye mavangu maku—tala! nsidi mwelo wa ziuka vana ndose aku,+ wina vo ke vena muntu ko olenda wo zika. Nzeye wo vo kuna yo nkuma wayingi ko, olundidi diambu diame, kuvakulwidi nkumbu ame nkalu ko. 9 Tala! Awana bena muna sambilu dia Satana, ana bevovanga vo Ayuda, kansi ke Ayuda ko,+ akwa luvunu—ikubafila beza fukama vana malu maku kimana bazaya wo vo zola ikuzolanga. 10 Wau olundidi mana wawá mu kuma kia luzindalalu lwame,+ omono mpe ikulunda muna ntangw’a lutonto,+ luna lukwiza ova nza yawonso, muna tonta awana bezinganga ova nza. 11 Mu kwiza ngina mu nzaki.+ Simbinina mana una mau, kimana valembi kala muntu obonga kolowa kiaku.+
12 “‘Ndiona osunda—ikunkitula se lunzi muna tempelo a Nzambi ame, ke vaika mo nkutu ko, ikunsoneka e nkumbu a Nzambi ame,+ nkumbu a mbanz’a Nzambi ame, Yerusaleme Yampa,+ ina ikulumukini kuna zulu kwa Nzambi ame, ye nkumbu ame yampa.+ 13 Ndiona una yo matu, yambula kawá edi divovele o mwanda kwa nkutakani.’
14 “Kuna kwa mbasi a nkutakani ina muna Laodikia+ soneka vo: I mau mama mavovele Amen,+ wa mbangi+ akwikizi ye ludi,+ lubantiku lwa nsem’a Nzambi:+ 15 ‘Nzeye mavangu maku, ngeye kukadi wanzizi ngatu watiya. Yadi zola vo wakala wanzizi yovo watiya. 16 Wau vo walakuka,* kuna watiya+ ko ngatu wanzizi,+ luka ikulùka muna nu’ame. 17 Wau ovovele vo: “I mvuama,+ mvuidi kimvuama, kikondelo nkutu lekwa ko,” kansi kuzeye wo ko vo mu mpasi wina yo lukendalalu, u nsukami, mpofo ye nkonga, 18 ilukisi wasumba kwa mono o wolo wakenzua muna tiya kimana wavuama, ye mvuatu miampembe kimana wavuata, e nsoni za nkonga aku zalembi moneka,+ ye nlongo mia meso,+ wakusa muna meso maku kimana wamona.+
19 “‘Awonso ana nzolele, ikubasemba yo kubalonga.+ Dianu vo, kala yo vema, viluka o ntima.+ 20 Nuwá! Ntelamene vana mwelo yo dodela. Avo muntu owa nding’ame yo ziula kielo, ikota muna nzo andi yo dia yandi madia ma nlekelo, oyandi mpe odia yame. 21 Ndiona osunda,+ ikunyambula kavuanda yame vana kunda kiame,+ wauna omono yasundila yo vuanda+ yo Se diame vana kunda kiandi. 22 Ndiona una yo matu, yambula kawá edi divovele o mwanda kwa nkutakani.”’