Yeremiya
1 Mama i mambu ma Yeremiya* wa mwan’a Kilekiya, mosi muna nganga za Anatote+ muna nsi ya Benyamini. 2 E diambu dia Yave diayiza kwa yandi muna lumbu ya Yosiya+ wa mwan’a Amone,+ wa ntinu a Yuda, muna mvu wa 13 wa luyalu lwandi. 3 Diayiza mpe kwa yandi muna lumbu ya Yoyakime+ wa mwan’a Yosiya, wa ntinu a Yuda, yamuna nsuk’a mvu wa 11 wa Sedekiya+ wa mwan’a Yosiya wa ntinu a Yuda, muna ngonde ya tanu, yavana nkangu a Yerusaleme wanatwa muna kinkole.+
4 E diambu dia Yave dizidi kwa mono, oku vo:
Yakitula se ngunza kuna kwa zula.”
6 Kansi mpovele vo: “E Mfumu Yave!
Kizeye vova ko,+ kadi i nleke kwame.”+
7 I bosi Yave umpovese vo:
“Kuvovi ko vo: ‘I nleke kwame.’
Kadi ofwete kwenda vova kw’awonso ana ikutuma,
Ofwete vova mawonso ikukanikina.+
9 I bosi Yave olambwidi koko kwandi, oviakane nu’ame.+ O Yave umpovese vo: “Nsidi mvovo miame muna nu’aku.+ 10 Tala, o unu kiaki ivene e wisa kia zula ye yintinu, muna vuza yo bangula, muna fwasa yo bwisa, muna tunga yo kuna.”+
11 E diambu dia Yave dizidi diaka kwa mono, oku vo: “E Yeremiya, nki omwene?” Mpovele vo: “Tayi kia amande* mbwene.”
12 Yave umpovese vo: “Otomene mona, kadi iyingilanga muna diambu diame kimana yalungisa dio.”
13 E diambu dia Yave dizidi diaka kwa mono e ngiza yazole, oku vo: “Nki omwene?” Mpovele vo: “Mbwene kinzu* kiyilanga,* o nu’andi utadidi kwaku tuka kuna node.” 14 O Yave umpovese vo:
“E mpasi zilwakila
Nkangu wawonso wa nsi tuka kuna node.+
15 Kadi ‘mbokelese makanda mawonso ma yintinu ya node,’ u kavovele o Yave,+
‘Oyau bekwiza; konso muntu otongeka e kunda kiandi kia kimfumu
Muna mavitu ma Yerusaleme,+
Banuanisa e yaka yandi yanzieta
Ye mbanza zawonso za Yuda.+
16 Isamuna lufwasu ikubatwasila mu kuma kia bi wau wawonso,
Kadi bangiambwidi,+
Bayokele ndumbu kwa nzambi zankaka+
Yo vumbamena salu ya moko mau.’+
17 Kansi ofwete kubama,*
Telama, wabavovesa mawonso ikukanikina.
Kubazakamena ko,+
Kimana yalembi kuzakamesa vana ntadisi au.