Yesaya
2 Konso muntu muna yau okala se swekameno* muna ntangw’a tembwa,
Se tininu muna ntangw’a mvul’a mupepe angolo,
Se nkoko mia maza muna nsi yakondwa maza,+
Se viozi kia tadi diampwena muna makanga.
3 E meso ma awana bemonanga ke mezima diaka ko,
O matu ma awana bewanga metoma wunikina.
4 O ntim’awana balembi teka yindulanga, ubadika mu vua o zayi,
O lubini lwa nkukumi luvova mu mpila yambote ye yakia.+
5 O zowa ke yikilwa diaka ko vo mvani amvevo,
O munkondwa nsiku ke yikilwa ko vo nkwa zitu;
6 Kadi o zowa mambu ma kizowa kevova,
O ntima andi mambu mambi ukana,+
Mu nungununa umpengomoki* yo vova luvunu mu kuma kia Yave,
Mu fila mumfwe a nzala* kakondwa madia
Yo yimina nkwa vuina e ma kia ndua.
7 O makani ma munkondw’a nsiku mambi;+
Onungununanga mavangu mansoni
Mu fwasa o nkondami muna mvovo mia luvunu,+
Kana nkutu vava o nsukami kevovanga diambu diambote.
8 Kansi o mvani a mvevo okasakesanga e fu kia vanina kuna mvevo,
Ye okwamanananga songa vo mvani a mvevo.*
9 “Oyeno akento nukondelo e ntokani, nutelama yo wá e nding’ame!
Oyeno wan’amakento nuakulukwa e mioyo,+ nusia e sungididi mu dina ivovanga!
10 Muna mvu mosi ye lumbu yakete, oyeno nuakulukwa e moyo zakama nuzakama,
Kadi kana bundu kimosi kia uva ke kivelwa ko kuna mfoko a nsungi a nkutika.+
11 Nuzakama, oyeno akento nukondelo e ntokani!
Nuzakama, oyeno nuakulukwa e moyo!
Nuvula e mvuatu,
Yo vuata e ngoto muna luketo.+
12 Nubunda e tulu yeno yo dila
Mu kuma kia mpatu zambote-mbote ye nsing’a vinyu utoma yimanga.
13 Kadi o ntoto a nkangu ame uzala ye mvanga ye nsende;
Zifuka e nzo zawonso zakala ye kiese,
Elo, e mbanz’a luyangalalu.+
14 Kadi e nzo yandá yangolo isidi e nkatu;
E mbanz’a mazu ibembwelo.+
E Ofele+ ye yingidilu dikitukidi se nsi isidi e nkatu yakwele mvu,
Se kiese kia mabuluku ma mfuta,
Se dilu dia makambi,+
15 Yavana tubungulwilwa o mwanda tuka kuna zulu,+
O makanga makituka se mpatu a nti miyimanga e bundu,
E mpatu a nti miyimanga e bundu yabadikilwa se mfinda.+
16 I bosi, o unsongi ukala muna makanga,
O unsongi ukala muna mpatu a nti miyimanga e bundu.+
17 O nlut’a unsongi wakieleka ukala se luvuvamu,+
O nsendo a unsongi wakieleka ukala se luvuvamu yo lutaninu lwakwele mvu.+
18 O nkangu ame uzingila vana fulu kia luvuvamu,
Muna fulu ya lutaninu ye muna fulu yavuvama.+
19 Kansi, e mvul’a matadi ifwasa e mfinda,
E mbanza ifwasakana emvimba.