Wanzole wa Tusansu
7 Solomo vava kamana samba,+ o tiya tukulumukini tuka kuna zulu,+ tubomwene tukau twangioka ye yimenga, e nzo izele yo nkembo a Yave.+ 2 Anganga ke balendele kota muna nzo a Yave ko, kadi nkembo a Yave uzele muna nzo a Yave.+ 3 Aneyisaele awonso bamwene tiya vava tukulumukini, o nkembo a Yave ukedi muna nzo, bafukamene ye ndose zau va ntoto, bakundidi, bavutwidi matondo kwa Yave, “kadi oyandi wambote; o walakazi wandi wakwele mvu.”
4 I bosi, o ntinu yo nkangu awonso batambikidi yimenga vana ndose a Yave.+ 5 Solomo wa Ntinu otambikidi kimenga kia 22.000 ma ngombe ye 120.000 ma mameme. Ozevo, ntinu ye nkangu awonso basunzwidi e nzo a Nzambi aludi.+ 6 Anganga batelamene muna fulu yau ya salu kumosi yo Anelevi ana bakala ye masikilu mayimbidila Yave.+ (Davidi wa Ntinu wavanga salanganu yayi kimana yasadilwanga muna vutula matondo kwa Yave—“kadi o walakazi wandi wakwele mvu”—vava Davidi kakembelelanga yau kumosi.*) Anganga basikanga mpungi+ vana vena Anelevi ekolo Aneyisaele awonso batelama.
7 O Solomo ovawidi yanzala kia kati kina kiakala kuna ntwal’a nzo a Yave, kadi ivana katambikidi tukau twangioka+ ye mazi ma yimenga ya ungudi, kadi e ziku dia nsongo+ dina Solomo kavanga diakete muna tambikila yimenga yangioka, tukau twa mbwaza+ yo mazi.+ 8 E ntangwa yayina, Solomo ovangisi nkinzi wa lumbu nsambwadi+ kumosi ye Isaele yawonso, nkutakani anene ya wantu batuka kuna Lebo-Kamati* yakuna Ndimb’a Engipito.+ 9 Muna lumbu kianana,* bavangidi lukutakanu lwampwena,+ kadi basunzwidi e ziku mu lumbu nsambwadi yo vanga nkinzi mu lumbu nsambwadi. 10 Muna lumbu kia 23 kia ngonde ya nsambwadi, Solomo osindikidi nkangu, oyau bavutukidi muna nzo zau ye kiese+ ye luyangalalu lwa ntima mu kuma kia wete una Yave kasongele kwa Davidi, kwa Solomo ye kwa nkangu andi Isaele.+
11 Ozevo, Solomo omanisi tunga e nzo a Yave ye nzo a* ntinu;+ Solomo ovangidi mawonso makala muna ntim’andi mu kuma kia nzo a Yave ye nzo andi, otomene mo vanga.+ 12 I bosi, Yave omonekene kwa Solomo+ muna fuku, umvovese vo: “Ngwidi e sambu kiaku, nsolele e fulu kiaki kiakala se nzo ya kimenga.+ 13 Avo nkangidi e zulu dialembi noka e mvula, avo nkanikini makonko madia e titi ya nsi, avo ntumini vuku kwa nkangu ame, 14 avo nkangu ame ana bayikilwa muna nkumbu ame,+ bayikulwidi+ yo samba muna vava ndose ame yo viluka muna nzila zau zambi,+ se yawá tuka kuna zulu, iloloka e sumu diau yo wuka e nsi au.+ 15 Ozevo, meso mame metemoka, matu mame mewunikina e sambu kisambilwa va fulu kiaki.+ 16 Kadi nsolele yo vaula e nzo yayi kimana e nkumbu ame yakala mo yakwele mvu,+ o meso mame yo ntim’ame mpe ukala mo ntangwa zawonso.+
17 “Vo i ngeye, avo odiatidi ova ndose ame wauna Davidi wa se diaku kadiatila yo vanga mawonso ikanikini yo lemvokela nsiku miame ye nzengo zame,+ 18 ozevo, isikidisa e kunda kia kimfumu kiaku,+ nze una yakanga e kangu yo Davidi wa se diaku,+ oku vo: ‘Muna luvila lwaku ke mukondwa muntu ko oyala Isaele.’+ 19 Kansi, avo nuvengomokene yo bembola nsiku ye nkanikinu miame mina inukanikini yo kwenda sadila nzambi zankaka yo vumbamena zo,+ 20 vuza ivuza Isaele muna nsi ame ina yabavana,+ e nzo eyi mvawidi mu kuma kia nkumbu ame, katula ikatula yo ova meso mame, ikitula yo se kuma kia luvezo* ye tusevo vana vena nkangu miawonso.+ 21 E nzo yayi ikituka se mazumbu. Awonso ana beviokela vo besivika+ yo yuvula vo: ‘Ekuma Yave kavangidi e diambu diadi mu nsi yayi ye nzo yayi?’+ 22 Bevutula vo: ‘Kadi bayambwidi Yave+ wa Nzambi a mase mau ona wabavaikisa muna Engipito,+ bakwamanene sambila nzambi zankaka, bavumbamena zo yo sadila zo.+ Kiaki i kuma kabatwasidi e mpasi zazi zawonso.’”+