Yezekele

8 Muna mvu wa sambanu,* muna ngonde yasambanu, muna lumbu kiatanu kia ngonde yoyo, vava nkedi yafonga muna nzo ame ye akuluntu a Yuda bafongele vana ntadisi ame, o koko kwa Mfumu Yave kwizidi omu mono. 2 Ekolo ntadidinge, mbwene fwaniswa kina ye mpw’a tiya; tuka vana vakedi nze luketo+ yakuna yanda vakedi tiya, tuka vana luketo yakuna ntandu e mpw’andi yankezimi, nze sengwa kia nkezimi.*+ 3 I bosi, olambwidi kina kikedi nze koko yo kunsimba muna nsuki za ntu ame, o mwanda unzangwidi vana kati-kati kwa zulu yo ntoto, undete kuna Yerusaleme muna mona-meso ya Nzambi, vana mwelo a vitu diakati+ ditadidi kuna node, vana vakedi e teke* kia kimpala kina kitwasanga kimpala.+ 4 O nkembo a Nzambi a Isaele ukedi vana,+ nze mpwa ina yamona kuna ndimba.+

5 I bosi, umpovese vo: “E mwan’a muntu, dodokolo sengola o meso kuna node.” Muna kuma kiaki nsengwele o meso kuna node, okwakuna, kuna node ya vitu dia ziku, kuna nkotelo, kukedi e teke* kia kimpala. 6 Umpovese vo: “E mwan’a muntu, nga omwene mambu mambi ye mangemi mevanganga e nzo a Isaele ovava,+ mana mekumfilanga mu vavuka e nzo ame avauka?+ Kansi ongeye omona mambu mangemi masundidi omama.”

7 I bosi, undete vana mwelo a yanzala, vava ntadidi, mbwene vundu muna yaka. 8 Umpovese vo: “E mwan’a muntu, dodokolo vongesa e vundu dina muna yaka.” Muna kuma kiaki mvongese e vundu muna yaka, mbwene mwelo. 9 Umpovese vo: “Kota wamona mambu mambi ye mangemi bevanganga mo.” 10 Muna kuma kiaki, nkotele yo tala, mbwene mpila zawonso za fwaniswa ya bulu iyatatanga+ ye bulu yangemi ye teke yawonso yangemi* ya nzo a Isaele;+ yabandulwa muna yaka yawonso. 11 Vana ntadisi a lekwa yayi, vatelamene 70 lwa akuluntu a nzo ya Isaele kumosi yo Yazaneya wa mwan’a Safani.+ Konso muntu okedi ye yokelwa kia ndumbu vana koko yo futumuna mwisi wa nsunga za ndumbu.+ 12 Umpovese vo: “E mwan’a muntu, nga omwene dina akuluntu a nzo ya Isaele bevanganga muna tombe, konso muntu muna masuku makati muna mwabandulwa e teke? Kadi edi bevovanga vo: ‘O Yave ke kutumonanga ko. O Yave oyambwidi e nsi.’”+

13 Umpovese mpe vo: “Ongeye omona diaka mambu masundidi e ngemi mana bevanganga.” 14 Muna kuma kiaki, undete vana nkotelo a vitu dia nzo a Yave kuna node, okwakuna mbwene akento bafongele, bedilanga nzambi Tamuze.

15 Umpovese diaka vo: “E mwan’a muntu, nga omwene mo? Omona diaka mambu mangemi masundidi nkutu omama.”+ 16 I bosi, undete vana yanzala kiakati kia nzo a Yave.+ Vana nkotelo a tempelo a Yave, vana kati-kati kwa veta kia mwelo ye ziku, vakedi tezo kia 25 ma wan’amakala bafididi e nima zau kuna tempelo a Yave ye ndose zau zatala kuna este; bavumbamene yo sambila e ntangwa kuna este.+

17 Umpovese vo: “E mwan’a muntu, nga omwene wo? Nga e nzo a Yuda ibenze vo o mambu mangemi bevanganga, mazadisa e nsi yo nsoki+ yo kwamanana kunkendeleka diambu diakete? Tala! Mu yala bena e ndala* ova nzunu ame. 18 Muna kuma kiaki, mu makasi ivangila o mambu; e disu diame ke dikubafwila nkenda ko;+ omono kibeni mpe kikubafwila nkenda ko. Kana nkutu vo bakazidi mu nding’angolo muna matu mame, kikubawá ko.”+