Yeremiya
18 Ediadi i diambu dia Yave diayiza kwa Yeremiya: 2 “Telama wakulumuka kuna nzo a nwumbi,+ i kûna ikuzayisila mambu mame.”
3 I dianu vo, nkulumukini kuna nzo a nwumbi, mbwene vo osalanga vana lukongolo lwa nwumbi. 4 Kansi, e kinzu kina kavangidi muna tûma, kifwidi vana moko mandi. Ozevo, o nwumbi ovangulwidi kio se kinzu kiankaka, ovangidi kio una kazolele.*
5 I bosi e diambu dia Yave dizidi kwa mono, oku vo: 6 “‘E nzo a Isaele, nga kilendi kuvanga ko wauna kavangidi o nwumbi?’ u kavovele o Yave. ‘Owu wina tûma vana moko ma nwumbi, i nuina vana koko kwame, e nzo a Isaele.+ 7 Konso ntangwa ivovela e diambu dia vuza, bangula yo fwasa e zula yovo kintinu,+ 8 e zula kiokio avo kiyambwidi o bi una mpovele, omono mpe ivutuka manima* muna mpasi zina nkanini kubatwasila.+ 9 Kansi, konso ntangwa ivovela diambu dia tunga yo kuna e zula yovo kintinu, 10 avo e zula kivangidi mambu mambi ova meso mame yo lembi wila nding’ame, omono mpe ivutuka manima* muna wete una nkanini kio vanga.’
11 “Owau, dodokolo, vovesa Ayuda y’esi Yerusaleme vo, ‘I wau wuwu kavovele o Yave: “Lufwasu ye ntambu ikunukubikilanga. Dodokolo, nuyambula nzila zeno zambi, nusingika nzila zeno yo mavangu meno.”’”+
12 Kansi bavovele vo: “Ke dina mfunu ko!+ Kadi tukangalela mun’owu wa ngindu zeto, konso muntu omu yeto kavanga mambu mun’owu wa ntim’andi wambi.”+
13 Ozevo, i wau wuwu kavovele o Yave:
“Dodokolo, yeno kibeni nuyuvula muna zula.
Nani wawa kala diambu diadi?
O mwenze a Isaele ovangidi kikilu diambu diambi.+
14 E mvul’ampembe a Lebanone nga ivempoka muna miongo miandi mia matadi?
Nga maza manzizi mekukulanga kuna kwandá, yuma meyuma?
15 Kansi, o nkangu ame bamvilakene.+
Batambikidi yimenga* kwa lekwa yakondwa o mfunu,+
Batesese wantu masakuba muna nzila zau, muna mayendelo mankulu,+
Yo kangalela muna nzila za nzenga, ke zalelama ko.*
16 Muna kuma kiaki, bakitwidi e nsi au se kuma kia kuyizengenekena+
Ye lekwa kia luvezo lwa mvu ya mvu.+
Awonso beviokela vo bekuyizengeneka yo zunga ntu.+
17 Nze tembwa kia este, ikubamwanganesa vana vena mbeni.
Ikubafila e nima, kikubasonga e ndose ame ko muna lumbu kia mpasi zau.”+
18 Bavovele vo: “Lwiza twavuandila Yeremiya e mfulu,+ kimana nsiku a nganga zeto ye malongi m’akwa ngangu ye mvovo mia ngunza zeto mialembi vila. Nuiza twamfunda,* ke nusie sungididi muna mambu mandi ko.”
19 Ungwá, e Yave,
Wá mana bevovanga e mbeni zame.
20 Nga o bi uvutulwilwa muna wete?
Kadi batimini wulu mu kuma kia moyo ame.+
Yindula e mpila yatelamena vana ndonse aku yo kubavovela mambu mambote,
Yavilula nsita zaku muna yau.
21 Muna kuma kiaki, vana wan’au muna nzala
Ubayekola muna wisa kia nsosolo.+
Yambula akazi au bakondwa wana yo fwilwa akala.+
Yambula akal’au bavondwa kwa vuku kiangolo
O matoko mau mavondelwa muna nsosolo muna vita.+
22 Yambula e kazu kiawakana muna nzo zau,
Vava okubatwasila asanzi kuna kinsalukisa.
Kadi batimini wulu muna kumbaka
Yo lekela malu mame ntambu.+
23 Vo i ngeye, e Yave,
Otomene zaya ntambu miawonso bandekele kimana bamponda.+