Nekemiya
10 Awaya i basikidisa e kangu yo sia dio e dimbu:+
Nekemiya wa nguvulu,* wa mwan’a Kakaleya,
Yo Sedekiya, 2 Seraya, Azareya, Yeremiya, 3 Paseku, Amareya, Malekiya, 4 Katusi, Sebaneya, Maluke, 5 Karimi,+ Meremote, Obadiya, 6 Daniele,+ Nginetone, Baruki, 7 Mesulame, Abiya, Miyamini, 8 Mazeya, Bilengai yo Semaya; awaya i anganga.
9 Anelevi: Yesua wa mwan’a Azaniya, Binui wa mwan’a Kenadade, Kademiele,+ 10 ye mpangi zau, Sebaneya, Odiya, Kelita, Pelaya, Kanane, 11 Mika, Rekobe, Kasabiya, 12 Zaku, Serebeya,+ Sebaneya, 13 Odiya, Bani yo Beninu.
14 Ntu mia nkangu: Parose, Pakati-moabe,+ Elame, Zatu, Bani, 15 Buni, Azengade, Bebai, 16 Adoniya, Bingevai, Adini, 17 Ate, Kizekeya, Azu, 18 Odiya, Kasumi, Bezai, 19 Karifi, Anatote, Nebai, 20 Mangepiase, Mesulame, Kezi, 21 Mesezabele, Sadoke, Yadua, 22 Pelateya, Kanane, Anaya, 23 Oseya, Kananiya, Kasubi, 24 Kalokese, Pileka, Sobeke, 25 Rekume, Kasabena, Maseya, 26 Akiya, Kanane, Anana, 27 Maluke, Karimi yo Bana.
28 Ankaka muna nkangu—nganga, Anelevi, ayingidi a mavitu, ayimbidi, selo ya tempelo,* ye awonso bayivambula muna nkangu mia nsi muna lemvokela Nsiku a Nzambi aludi,+ ye akazi au, yo wan’au amakala ye amakento, konso ona wakala yo zayi yo umbakuzi*— 29 bayikamene mpangi zau, wantu atunda, badidi e ndofi* vo e sibu yabalwakila avo ke balemvokele Nsiku a Nzambi aludi ko, una wavaninua muna Mose wa ntaudi a Nzambi aludi yo lunda nkanikinu miawonso mia Yave wa Mfumu eto ye nzengo zandi ye mîna miandi. 30 Ke tuvana wan’eto amakento kwa nkangu mia nsi ko, ngatu tambulwila wan’au amakento basompwa kwa wan’eto amakala.+
31 Avo nkangu mia nsi batwese lekwa yo madia ma mpila zawonso kimana bateka muna Lumbu kia Vundu, ke tukubasumba lekwa ko muna Lumbu kia Vundu+ ngatu mu lumbu kiavauka.+ Muna mvu una wa nsambwadi+ ke tusala ko, tuyambulwila e mfuka zawonso.+
32 Vana ntandu, twayisila nsiku vo konso muntu mu yeto kavana tini kiatatu kia sekele* konso mvu muna salu kia nzo* a Nzambi eto,+ 33 muna mbolo za lubakanisu*+ yo lukau lwa mbwaza,+ yo lukau lwa ngioka lwa ntangwa ke ntangwa muna Lumbu ya Vundu,+ lwa nzangama za ngonde,+ lwa nkinzi miasikidiswa,+ lwa lekwa yavauka, lwa yimenga ya sumu,+ muna luyambulwilu lwa masumu ma Isaele ye muna salu kiawonso kia nzo a Nzambi eto.
34 Tutele mpe nkas’a mienze mu kuma kia nkuni zina nganga, Anelevi yo nkangu bafwete twasa muna nzo a Nzambi eto mun’owu wa nzo za mase meto, muna ntangwa ya sikididi, mvu ke mvu, zasiwa vana ziku dia Yave wa Nzambi eto, nze una wasonama muna Nsiku.+ 35 Tutwasa mpe bundu yantete ya nsi eto ye bundu yantete yabwaka ya mpila zawonso za nti muna nzo a Yave,+ mvu ke mvu, 36 yo wan’eto antete amakala ye wan’antete a twelezi yeto+—wauna wasonama muna Nsiku—ye wan’antete a ngombe zeto ye mameme meto. Tutwasa mo kuna nzo a Nzambi eto, kuna kwa nganga zina zisadilanga muna nzo a Nzambi eto.+ 37 Tutwasa mpe mfumfu eto ya mbwaza zantete+ yo tukau tweto ye bundu yantete ya mpila zawonso za nti,+ vinyu yampa ye mazi+ kuna kwa nganga, muna malundilu ma nzo a Nzambi eto,+ ye tini yakumi ya mbongo a ntoto eto kuna kwa Anelevi, kadi Anelevi+ yau betambulanga tini yakumi ya mbongo muna mavata mawonso ma mpatu zeto.
38 O nganga una vo mwan’a Arone kafwete kala ye Anelevi vava Anelevi betambula e tini yakumi; muna tini yayi yakumi, Anelevi bafwete vana tini kia kumi muna nzo a Nzambi eto,+ muna masuku* ma malundilu. 39 Kadi Aneyisaele ye Anelevi betwasa lukau+ lwa mbwaza ye lwa vinyu yampa ye lwa mazi+ muna masuku mana mena salanganu ya nzo avauka ye nganga zina zisalanga ye ayingidi a mavitu ye ayimbidi. Ke tubembola nzo a Nzambi eto ko.+