Nekemiya

12 Awaya i nganga ye Anelevi bavutuka yo Zerubabele+ wa mwan’a Saletiele+ yo Yesua:+ Seraya, Yeremiya, Ezera, 2 Amareya, Maluke, Katusi, 3 Sekaneya, Rekume, Meremote, 4 Ido, Nginetoi, Abiya, 5 Miyamini, Madeya, Bilenga, 6 Semaya, Yoyarebe, Yedaya, 7 Salu, Amoke, Kilekiya yo Yedaya. Awaya i ntu mia nganga ye mpangi zau muna lumbu ya Yesua.

8 Anelevi: Yesua, Binui, Kademiele,+ Serebeya, Yuda yo Mataneya+ ona watwadisanga nkung’a matondo kumosi ye mpangi zandi. 9 Bakebukeya yo Uni, mpangi zau batelamanga yau mantalani muna salu kia yingila.* 10 Yesua owutidi Yoyakimi, Yoyakimi owutidi Eleyasibe, Eleyasibe+ owutidi Yoyada.+ 11 Yoyada owutidi Yonatane, Yonatane owutidi Yadua.

12 Awaya i nganga, ntu mia nzo za mase muna lumbu ya Yoyakimi: muna nzo a Seraya,+ Meraya; muna nzo a Yeremiya, Kananiya; 13 muna nzo a Ezera,+ Mesulame; muna nzo a Amareya, Yekanane; 14 muna nzo a Maluki, Yonatane; muna nzo a Sebaneya, Yosefe; 15 muna nzo a Karimi,+ Adena; muna nzo a Merayote, Kelekai; 16 muna nzo a Ido, Zakariya; muna nzo a Nginetone, Mesulame; 17 muna nzo a Abiya,+ Zikere; muna nzo a Mineyamine, . . .  ;* muna nzo a Moadeya, Piletai; 18 muna nzo a Bilenga,+ Samua; muna nzo a Semaya, Yonatani; 19 muna nzo a Yoyarebe, Matenai; muna nzo a Yedaya,+ Uzi; 20 muna nzo a Salai, Kalai; muna nzo a Amoke, Ebe; 21 muna nzo a Kilekiya, Kasabiya; muna nzo a Yedaya, Netanele.

22 Awaya i ntu mia nzo za mase ma Anelevi muna lumbu ya Eleyasibe, Yoyada, Yokanane yo Yadua,+ basonama mpe se anganga muna luyalu lwa Dareyuse wa Mparasa.

23 Anelevi, ana bakala se ntu mia nzo za mase, basonekwa muna nkand’a lusansu, yamuna lumbu ya Yokanane wa mwan’a Eleyasibe. 24 Awaya i ntu mia Anelevi, Kasabiya, Serebeya, Yesua+ wa mwan’a Kademiele,+ e mpangi zau batelamanga vana ntwal’au muna kembelela yo vana matondo mun’owu wa nkanikinu a Davidi+ wa muntu a Nzambi aludi, buka kia ayingidi kitalanini ye buka kiankaka kia ayingidi. 25 Mataneya,+ Bakebukeya, Obadiya, Mesulame, Talemone yo Akubi,+ bayingilanga mavitu+ yo langidila malundilu ma mavitu. 26 Awaya basalanga muna lumbu ya Yoyakimi wa mwan’a Yesua+ wa mwan’a Yozadake ye muna lumbu ya Nekemiya wa nguvulu yo Ezera+ wa nganga ye nsoneki.

27 Vava basunzula e yaka kia Yerusaleme, bavava Anelevi muna fulu yau yawonso, babatwasa kuna Yerusaleme, bakembelela lusunzulu kuna kiese ye nkunga mia matondo+ ye yimbalu ye kokolo ye nsambi. 28 O wan’ayimbidi* balungalakene, batukidi muna mvivu,* muna mbela-mbela zawonso za Yerusalame yo muna mavata ma esi Netofa,+ 29 muna Bete-Ngilengale,+ muna yana ya Ngeba+ ye Azemavete,+ kadi ayimbidi batungidi mavata mau muna mbela-mbela zawonso za Yerusaleme. 30 Anganga ye Anelevi bayivelelesa, bavelelesa mpe nkangu+ ye mavitu+ ye yaka.+

31 I bosi, mbatisi akuluntu a Yuda vana ntandu a yaka. Nkubikidi mpe buka yole yampwena ya ayimbidi ana bavananga matondo ye buka yankaka yabalandanga; kimosi kiele kuna koko kwalunene vana yaka yakuna Vitu dia Ntoto Ampolo.+ 32 Osaya ye ndambu y’akuluntu a Yuda babalende, 33 yo Azareya, Ezera, Mesulame, 34 Yuda, Benyamini, Semaya yo Yeremiya. 35 Bakala kumosi ye akaka muna wan’a nganga ana bakala ye mpungi:+ Zakariya wa mwan’a Yonatane, wa mwan’a Semaya, wa mwan’a Mataneya, wa mwan’a Mikaya, wa mwan’a Zaku, wa mwan’a Asafi,+ 36 ye mpangi andi Semaya, Azarele, Milalai, Ngilalai, Mai, Netanele, Yuda yo Kanani. Bakala ye masikilu ma Davidi+ wa muntu a Nzambi aludi; Ezera+ wa nsoneki wabavita kuna ntwala. 37 Vana Vitu dia Nto,+ bele kuna ntwala kuna Ntombokelo+ a yaka, baviokele vana ntombokelo a Mbanz’a Davidi,+ vana nzo a Davidi yakuna Vitu dia Maza+ kuna este.

38 E buka kiankaka kia ayimbidi a nkung’a matondo bele mantalani kuna sambu diankaka, e ndambu a nkangu ibalende vana ntandu a yaka, baviokele kuna Nzo Yandá ya Mafulu ma Mbolo,+ yakuna Yaka kia Sanzuka+ 39 baviokele kuna Vitu dia Eferaime+ ye Vitu dia Mbanza Yankulu+ ye Vitu dia Mbizi a Maza+ ye Nzo Yandá ya Kananele,+ ye Nzo Yandá ya Mea,+ yakuna Vitu dia Mameme; baningamene kuna Vitu dia Ayingidi.

40 E buka yau yole y’ayimbidi a nkung’a matondo, batelamene vana nzo a Nzambi aludi; yo mono ye ndambu y’alandi a nguvulu, 41 ye anganga, Eleyakime, Maseya, Mineyamine, Mikaya, Eloenai, Zakariya yo Kananiya ye mpungi zau, 42 yo Maseya, Semaya, Elaza, Uzi, Yekanane, Malekiya, Elame yo Eze. Ayimbidi bayimbidi muna nding’angolo muna lutumu lwa Yizerakeya.

43 Muna lumbu kiakina bakelele yimenga yayingi ye kiese kiawonso,+ kadi Nzambi aludi ubamwesese kiese kiayingi. Akento yo wana mpe bayangalele,+ muna diadi luyangalalu lwa Yerusaleme lwawakana kwandá.+

44 Muna lumbu kiakina, wan’amakala batumbikwa kinkengi kia malundilu+ ma tukau,+ ma mbongo yantete+ ye ma tini yakumi.+ I mûna bekutikila ina ituka muna yana ya mbanza, e kunku y’anganga ye Anelevi yasikidiswa muna Nsiku,+ kadi kiese kiayingi kiakala muna Yuda mu kuma kia nganga ye Anelevi+ ana bakala muna salu. 45 Basia sungididi muna salu ya Nzambi au ye mbebe au ya luveleleso, diau dimosi mpe bavanga ayimbidi ye ayingidi a mavitu, mun’owu wa nkanikinu a Davidi yo Solomo wa mwan’andi. 46 Kadi tuka kolo, muna lumbu ya Davidi yo Asafi, vakala afidi* a ayimbidi ye afidi a nkunga mia kembelela yo vutula matondo kwa Nzambi.+ 47 Muna lumbu ya Zerubabele+ ye muna lumbu ya Nekemiya, Isaele yawonso bavananga kunku kw’ayimbidi+ ye ayingidi a mavitu+ mun’owu wa nsatu zau za lumbu ke lumbu. Bavawidi kunku ya Anelevi,+ Anelevi bavawidi kunku ya wan’a Arone.