Yobi
Vaikisa ivaikisa ntokani zame.
Vova ivova muna ntantu zame.*
2 Ivovesa Nzambi vo: ‘Kungielesa ko.
Unzayisa, ekuma okuntantanesenanga?
3 Nga nluta obaka muna bangika,
Muna veza e salu kia moko maku,+
Ekolo otambulwidi luludiku lwa yimpumbulu?
4 Nga meso ma kinitu una mau,
Yovo omwenanga una muntu kemwenanga?
5 Nga lumbu yaku ina nze lumbu ya wantu,
Yovo mvu miaku nze mvu mia muntu,+
6 Wau ovavanga mbi ame
Yo kwamanana tomba e sumu diame?+
8 Moko maku mangumba yo kumpanga,+
Kansi owau ozolele kumfwasa emvimba.
10 Nga kuntiamwini ko nze kimvumina
Yo kunkangamesa nze kezio?
11 Umvuikidi nkanda ye nsuni,
Ungikakese ye visi ye mianzi.+
13 Kansi ozolele vanga mambu mama kuna kinsweki.*
Nzeye wo vo mambu mama kwa ngeye matukidi.
14 Kele vo yasumuka, wadi kumbona,+
Kwadi loloka sumu diame ko.
15 Avo ngielele ngina yau, tâtu kwa mono!
16 Avo nzangwidi ntu, okunkonda nze nkosi+
Osonga diaka nkum’aku muna kundwanisa.
17 Untwasidi mbangi zampa zamfunda,
Owokese makasi maku omu mono,
Ekolo mpasi ye mpasi zindwakidi.
18 Nkia kuma wampaikisila muna vumu?+
Diambote kele vo yafwa kwame una kiamonekene kwa muntu ko.
19 Diadi kala vika sia vo kiakala kwame ko;
Nga yanatwa tuka muna vumu yamuna ziami.’