Lusengomono kwa Yoane
16 Ngwidi nding’a ngolo itukidi muna nzo avauka+ ivovele kwa mbasi nsambwadi vo: “Nuenda yitila vana nza e pidi yau nsambwadi ya makasi ma Nzambi.”+
2 Ina yantete yele, iyitidi e pidi kiandi vana ntoto.+ Mputa za mpondi, zisayananga+ zivaikidi muna wantu bena ye sinsu kia bulu kiansisi+ ye awana besambilanga e teke kiandi.+
3 Ina yanzole iyitidi e pidi kiandi muna kalunga.+ O kalunga kukitukidi menga+ nze ma muntu wafwa, e vangwa yawonso yamoyo ifwidi, elo, eyi ina muna kalunga.+
4 Ina yatatu iyitidi e pidi kiandi muna nkoko ye nto za maza.+ Makitukidi se menga.+ 5 Ngwidi mbasi ina ye wisa kia maza ivovele vo: “Ngeye wina, ngeye wakala,+ u nkwa kwikizi+ ye nsongi, wau ofundisi mambu mama,+ 6 kadi yau babungula menga ma avauki ye angunza,+ ubavene menga banua;+ dibafwanukini.”+ 7 Ngwidi e ziku divovele vo: “Elo, Yave* wa Nzambi a Mpungu-ngolo,+ e mfundisa zaku zansongi ye ludi.”+
8 Ina ya nyá iyitidi e pidi kiandi vana ntangwa,+ e ntangwa iveno nswa wabangika wantu muna tiya. 9 Wantu babangikilu kwa mbangazi yangolo, kansi batiangwini nkumbu a Nzambi ona wina ye wisa muna vuku yayi, ke bavilukidi ntima ko ngatu kumvana o nkembo.
10 Ina yantanu iyitidi e pidi kiandi vana kunda kia bulu kiansisi. E kintinu kiandi kikitukidi se tombe,+ o wantu bayantikidi tatika tubini twau mu kuma kia mpasi, 11 batiangwini Nzambi a zulu muna kuma kia mpasi zau ye mputa zau, ke bavilukidi ntima ko muna mavangu mau.
12 Ina yasambanu iyitidi e pidi kiandi muna nzadi ampwen’a Uferate,+ e maza mandi mayumini+ yo kubika e nzila mu kuma kia atinu+ tuka kuna kuvaikilanga e ntangwa.*
13 Mbwene mambu matatu ma usafu mavumunuinua* mena nze mazundu mavaikidi muna nu’a ngobodi,+ muna nu’a bulu kiansisi ye muna nu’a ngunz’aluvunu. 14 Omama i mambu mavumunuinua kwa nkuya mivanganga e sinsu+ yo kwenda kwa ntinu mia nza yawonso, babalunganisa vamosi muna vit’a+ lumbu kianene kia Nzambi a Mpungu-ngolo.+
15 “Tala! Ikwizanga nze mwivi.+ Nkwa nsambu ndiona oyingilanga+ yo lunda mvuatu miandi, kimana kalembi kangala nkonga, o wantu balembi mona e nsoni zandi.”+
16 Babalunganese vana fulu kiyikilwanga muna Kiyibere vo Armangedo.*+
17 Ina yansambwadi iyitidi e pidi kiandi muna tembwa. E nding’a ngolo ivaikidi muna nzo avauka+ itukidi vana kunda, ivovele vo: “Divangamene!” 18 Vakedi nsemo ye ndinga ye miandazi* ye nzakama yangolo ya ntoto, ke vakedi nzakam’a ntoto nze yayi ko tuka kiasemenwa wantu ova ntoto,+ e nzakam’a ntoto yampwena ye yangolo kikilu. 19 E mbanza anene+ iwudikidi mu kunku tatu, e mbanza za zula zibwidi; o Nzambi osungamene Babele Anene,+ kimana kavana yo e mbungw’a vinyu ya nsita za makasi mandi.+ 20 E sanga yawonso mpe itinini, e miongo mivididi.+ 21 I bosi, matadi mampwena ma mvula mabwididi wantu tuka kuna zulu, konso tadi dina ye zitu dia talanta* mosi,+ o wantu batiangwini Nzambi mu kuma kia vuku kia matadi ma mvula,+ kadi e vuku kiampwena kikilu.