Luvaiku
20 I bosi, Nzambi ovovele mambu mama mawonso, oku vo:+
2 “Mono i Yave wa Nzambi aku, ona wavaikisa muna nsi ya Engipito, muna nsi ya ubundu.*+ 3 Kufwete sambila nzambi zankaka ko. Mono kaka ofwete sambila.+
4 “Kufwete kuyivangila teke kiavalwa ko yovo fwaniswa kia konso lekwa kina kuna zulu yovo ova ntoto yovo muna maza.+ 5 Kufwete yo vumbamena ko ngatu vukumunua muna kubasadila,+ kadi omono Yave wa Nzambi aku, i Nzambi ona ovavanga vo wantu basambila kaka yandi.+ Iyambula vo wana ye mbandu ina yantatu ye mbandu ina ya nyá ya awana bekumbenganga, bamona e mpasi mu kuma kia bi wa mase mau, 6 kansi isonganga walakazi yamuna mbandu ina ya funda ya awana bekunzolanga yo lunda e nkanikinu miame.+
7 “Kusadila nkumbu a Yave wa Nzambi aku mu mpila yambi ko,+ kadi Yave tumba ketumba ndiona osadila e nkumbu Andi mu mpila yambi.+
8 “Sungamena vo e Lumbu kia Vundu, wavaula kio.+ 9 Ofwete sala yo fokola e salu yaku yawonso mu lumbu sambanu,+ 10 kansi e lumbu kiansambwadi i lumbu kia vundu kuna kwa Yave wa Nzambi aku. Kufwete sala konso salu ko, kana ngeye, kana mwan’aku ayakala yovo mwan’aku ankento ngatu ntaudi aku ayakala yovo ntaudi aku ankento, kana twelezi kiaku ngatu nzenza ina omu mbanza zaku.*+ 11 Kadi muna lumbu sambanu, Yave wasema e zulu yo ntoto, kalunga ye yawonso ina mo yo vunda muna lumbu kiansambwadi.+ Kiaki i kuma Yave kasambulwila e Lumbu kia Vundu yo vaula kio.
12 “Zitisa se diaku yo ngudi aku+ kimana wazinga lumbu yayingi muna nsi ina Yave wa Nzambi aku kekuvana.+
13 “Kuvondi ko.+
15 “Kuyiyi ko.+
16 “Kusila nkwaku kimbangi kialuvunu ko.+
17 “Kulokokela nzo a nkwaku ko. Kulokokela nkento a nkwaku+ ko yovo ntaudi andi ayakala yovo ntaudi andi ankento yovo ngombe andi yovo buluku diandi ngatu konso lekwa kia nkwaku.”+
18 Nkangu wawonso uwidi miandazi ye zú dia mpungi, umwene nsemo yo mongo wafwitanga mwisi. Vava nkangu uwidi yo mona mambu mama, uzakamene yo telama kwandá.+ 19 Muna diadi, nkangu uvovese Mose vo: “Ongeye mokena yeto, oyeto tukuwila, kansi kuyambula ko vo Nzambi kamokena yeto, wana fwa tufwa.”+ 20 Mose ovovese nkangu vo: “Ke numoni wonga ko, kadi o Nzambi aludi wizidi kunutonta+ kimana nuakwamanana kumvumina, nualembi sumuka.”+ 21 O nkangu utelamene kaka kwandá, kansi Mose ofinamen’e tuti diandombe muna mukedi Nzambi aludi.+
22 I bosi, Yave ovovese Mose vo: “I wau wuwu ovovesa Aneyisaele: ‘Yeno kibeni numwene wo vo mbokene yeno tuka kuna zulu.+ 23 Ke nuvangi nzambi za palata ko ova ngina mu sambila zo, ke nuyivangila nzambi za wolo ko.+ 24 Nuntungila e ziku dia ntoto, nukelela vo tukau twangioka ye yimenga ya ungudi,* mameme meno ye ngombe zeno. Muna konso fulu kina iyindulwisila+ e nkumbu ame, ikwiza kwa yeno, yanusambula. 25 Avo nuntungidi e ziku dia matadi, ke nutungila dio muna matadi mavalwa ko.+ Kadi avo nusadidi e sengwa kia vadila matadi, nusafula e ziku. 26 Ke nutomboka ku ziku diame muna sikada ko, kimana e kimpene kieno kialembi* moneka vana sikada.’