Kuna Kwa Ayibere
8 Ediadi i mbut’a diambu muna mana tuvovele: Tuna ye ngang’ambuta una wau,+ ona ovuende kuna koko kwalunene kwa kunda kia ndiona Wanene kuna zulu,+ 2 yandi i selo kia fulu kiavauka+ ye saba kialudi, kina Yave* kasumika, ke muntu ko. 3 Kadi konso ngang’ambuta otumbikwanga muna tambika tukau ye yimenga; dianu vo diamfunu ondioyu mpe kakala ye lekwa kiatambika.+ 4 Kele vo kakala ova nza, kadi kala nganga ko,+ kadi vena ye awana betambikanga tukau mun’owu wa Nsiku. 5 Wantu awaya besalanga e salu kiavauka, kina se mbandu ye kini*+ kia mambu ma zulu;+ wauna Mose kavoveswa vava kakanikinua kwa Nzambi katunga e saba: Kadi wavova vo: “Toma keba kimana wavangila lekwa yawonso mun’owu wa mpila osongelo kuna mongo.”+ 6 Kansi owau, Yesu otambwidi uselo usundidi o wete, kadi yandi i nkambami*+ wa kangu disundidi o wete,+ dina diasikidisilwa muna nsilu misundidi o wete.+
7 Kele vo e kangu diantete ke dikadi yo vilwa ko, edi diazole ke diadi kala mfunu ko.+ 8 Kadi osolwele lusembo kwa nkangu vava kavovele vo: “‘Nutala, muna lumbu ikwiza,’ u kavovele o Yave,* ‘Ikanga kangu diampa ye nzo a Isaele ye nzo a Yuda. 9 Ke dikala ko nze kangu dina yakanga yo mase mau muna lumbu kina yabasimba muna moko yo kubavaikisa muna nsi a Engipito,+ kadi ke basikila muna kangu diame ko, kiaki ikuma yayambulwila kubalunga-lunga,’ u kavovele o Yave.*
10 “‘Kadi ediadi i kangu ikanga ye nzo a Isaele vava kivioka e lumbu yayina,’ u kavovele o Yave.* ‘Isia nsiku miame muna nyindu miau, isoneka mio muna ntima miau.+ Omono ikala Nzambi au, oyau bekala nkangu ame.+
11 “‘Ke vena muntu ko olonga diaka o nkwandi yovo mpangi andi, oku vo: “Zaya Yave!”* Kadi yau awonso bekunzaya, tuka muna nleke yamuna mbuta. 12 Kadi iloloka mavangu mau mambi, o masumu mau kiyindula mo diaka ko.’”+
13 Wau kavovele vo: “kangu diampa,” okitwidi dina diantete se diankulu.+ Wau vo diankulu, ke dina diaka mfunu ko, se divila e mvimba.+