Yesaya
60 “E nkento, telama,+ temesa o ntemo, kadi o ntemo aku ulweke.
O nkembo a Yave ukezimanga omu ngeye.+
2 Tala! E tombe kifuka e nza
E tombe kiangolo kifuka e zula;
Kansi, o Yave okezima omu ngeye,
O nkembo andi umoneka omu ngeye.
4 Sengola meso maku yo tala muna ndambu zawonso!
Yau awonso bakutakene; kwa ngeye bekwizanga.
O wan’aku amakala bekwizanga tuka kuna kwandá,+
O wan’aku amakento ana banatinu vana luvati mukwiza bena.+
5 Muna kolo kiakina, ongeye omona, otoma yangalala,+
O ntim’aku unikuka yo zala ye kiese,
Kadi e kimvuama kia kalunga kwa ngeye kitwaswa;
O tusalu twa zula kwa ngeye tukwiza.+
Awonso betuka kuna Seba—bekwiza;
Betwasa wolo ye ndumbu a nti a lebona.
Besamuna nkembo a Yave.+
7 E twelezi yawonso ya Keda+ ikutikwa vovo wina.
O mameme ma makoko ma Nebayote+ mekusadila.
8 Akinani awaya betilumukanga nze matuti,
Nze mayembe mekwendanga muna nzo au?*
9 Kadi e sanga omu mono ibunda e vuvu;+
E nzaza za Tasisi mu kwiza zina oku ntwala,*
Mu twasa zina wan’aku tuka kuna kwandá,+
Kumosi ye palata zau ye wolo,
Muna kembelela e nkumbu a Yave wa Nzambi aku yo Mvauki a Isaele,
11 O mavitu maku mekwamanana kala maziuka;+
Ke mezikwa ko kana muna mwini yovo muna fuku,
Muna kutwasila tusalu twa azula,
Atinu au yau bevita o ntu.+
12 Kadi konso zula ye kintinu ke kikusadila ko, fukiswa kifukiswa,
E zula ifwaswa emvimba.+
13 Kuna kwa ngeye kukwiza o nkembo a Lebanone,+
Kumosi ye nti a sipelese, nti a ase yo nti a sipre,+
Mu viengesa e fulu kia nzo ame avauka;
Ikembesa e fulu kia sia o malu mame.+
14 Awana babangikanga, o wan’au bekwiza yo vumbama vana ndose aku;
Awonso ana bavezanga befukama vana malu maku,
Oyau bekuyikila vo mbanz’a Yave,
Zione ya Mvauki a Isaele.+
15 Kana una vo omono yabembola, o wantu mpe bekumenganga ye ke muntu ko oviokelanga omu ngeye,+
Ikukitula se kuma kia lusanu yakwele mvu,
Se kuma kia luyangalalu muna mbandu zawonso.+
16 Ongeye onua e kimvumina kia zula,+
Oyema e ntulu za atinu;+
Ozaya kieleka vo omono Yave, mono i Mvuluzi aku,
Ozaya wo vo Nengolo a Yakobo i Nkûdi aku.+
17 Vana fulu kia nsongo itwasa wolo,
Vana fulu kia sengwa itwasa palata,
Vana fulu kia baya, nsongo,
Vana fulu kia matadi, sengwa;
Itumbika luvuvamu se akengi aku
O unsongi se mfumu zaku za salu.+
18 Muna nsi aku ke muwakana diaka nsangu za mavangu mansoki ko
Ngatu za lufwasu ye nkosomoka yamuna mingilu miaku.+
Oyikila e yaka yaku vo Luvuluzu,+ o mavitu maku vo Lusanisinu.
19 E ntangwa ke ikala diaka se ntemo ko kwa ngeye muna mwini,
O kezima kwa ngonde ke kukuvana ntemo ko,
Kadi Yave okala kwa ngeye se ntemo wakwele mvu,+
O Nzambi aku okala se vienga kwaku.+
20 E ntangwa aku ke idimuka diaka ko,
E ngonde aku mpe ke idimuka diaka ko,
Kadi o Yave okituka kwa ngeye se ntemo wakwele mvu,+
E lumbu yaku yakifwidi ifokoka.+
21 O nkangu aku wawonso ukala se ansongi;
Oyau bevua e nsi yakwele mvu.
22 Ona wandwelo okituka se funda
Ona wakete se zula kiangolo.
Mono kibeni Yave izabula dio muna ntangwa andi.”