Nekemiya
8 Nkangu awonso ulungalakene ye kani dimosi vana ntanda* una vana Vitu dia Maza,+ bavovese Ezera+ wa nsoneki vo katwasa nkand’a Nsiku a Mose,+ una Yave kakanikina Isaele.+ 2 Ozevo, e lumbu kiantete kia ngonde yansambwadi,+ Ezera wa nganga otwese nkand’a Nsiku kuna kwa nkutakani+ y’akala y’akento ye awonso balenda wá yo bakula. 3 Otangidi wo+ vana ntanda* una vana Vitu dia Maza, tuka nkielelo a kuma yaku midi, vana vena akala ye akento ye awonso ana balenda bakula; o nkangu uwidi ye sungididi kiawonso+ oma ma nkand’a Nsiku. 4 Ezera wa nsoneki otelamene va fulu kiazangama kia mabaya, kina bavanga muna kuma kia diambu diadi; vana ndambu andi, kuna koko kwalunene kutelamene Matiteya, Sema, Anaya, Uriya, Kilekiya yo Maseya; kuna koko kwandi kwalumonso, Pedaya, Misaele, Malekiya,+ Kasumi, Kase-badana, Zakariya yo Mesulame.
5 Ezera oyalumwini nkanda vana vena nkangu wawonso, kadi va fulu kiazangama kakala muna nkangu wawonso. Vava kayalumwini wo, nkangu wawonso utelamene. 6 Ezera okembelele Yave wa Nzambi aludi, Nzambi Wanene, nkangu awonso uvutwidi vo: “Amen!* Amen!”+ bazangwidi moko. Bafukamene Yave, babukikidi ndose vana ntoto. 7 Yesua, Bani, Serebeya,+ Yamini, Akubi, Sabetai, Odiya, Maseya, Kelita, Azareya, Yozabade,+ Kanane yo Pelaya bakala vo Anelevi, basasidi Nsiku kwa nkangu,+ ekolo nkangu wakala watelama. 8 Bakwamanana tanga nkand’a Nsiku a Nzambi aludi muna nding’angolo, yatoma kiá yo sasila wo; i mpila yayi basadisila nkangu mu toma bakula mana matangwanga.+
9 Nekemiya wa nguvulu,* Ezera+ ona wakala nganga ye nsoneki ye Anelevi ana balonganga nkangu, bavovese nkangu wawonso vo: “Kiaki i lumbu kiavauka kwa Yave wa Nzambi eno.+ Ke numoni ntantu ko ngatu dila.” Kadi nkangu wawonso wadilanga vava bawa mambu ma Nsiku. 10 Ubavovese vo: “Nuenda kweno, nudia madia masundidi o wete,* lunua malavu ma nzenzo, nuatwika kunku kia madia+ kw’awana balembele kubika lekwa; kadi e lumbu kiaki kiavauka kwa Mfumu eto, ke numoni ntantu ko; kadi e kiese kia Yave i swekameno dieno diangolo.”* 11 Anelevi balembekele nkangu wawonso, oku vo: “Ke nudidi ko, kadi e lumbu kiaki kiavauka, ke numoni ntantu ko.” 12 Muna kuma kiaki, nkangu wawonso bele kwau, bele dia yo nua yo twikila ankaka madia, bakedi ye kiese kiayingi,+ kadi babakwidi mambu mana bazayisu.+
13 E lumbu kiazole, e ntu mia nzo za mase ma nkangu wawonso, anganga, Anelevi bakutakene vana vena Ezera wa nsoneki kimana batoma longwa diaka mambu ma Nsiku. 14 I bosi, basolola dina diasonama muna Nsiku una Yave kakanikina muna Mose vo Aneyisaele bafwete zingila muna sudi* muna nkinzi a ngonde a nsambwadi,+ 15 ye bafwete boka nkoki+ yo samuna muna mavata mau mawonso ye muna Yerusaleme, oku vo: “Nuenda kuna zunga kia miongo, nuatwasa ntayi za olive, za nti mia mazi, ntayi za militi, ndala ye ntayi za nti miankaka, nuatunga sudi, wauna wasonama.”
16 O nkangu wele, batwese zo, batungidi sudi, konso muntu vana nludi andi yo muna yanzala yau, muna yanzala ya nzo a Nzambi aludi,+ vana ntand’a Vitu dia Maza+ ye vana ntand’a Vitu dia Eferaime.+ 17 E nkutakani yawonso yatuka muna kinkole batungidi sudi, bakala muna sudi, kadi tuka lumbu ya Yosua+ wa mwan’a Nuni yamu lumbu kiakina, Aneyisaele ka bavanga wo ko, i dianu vo, kiese kiayingi bakala kiau.+ 18 O nkand’a Nsiku a Nzambi aludi+ watangwanga lumbu ke lumbu, tuka kiantete yamuna lumbu kiansuka. Bavangidi nkinzi mu lumbu nsambwadi, muna lumbu kia nana mukedi lukutakanu lwavauka, wauna wasikidiswa.+