Nekemiya

7 E yaka vava kiamana tungululwa,+ yasia kio e yelo;+ ayingidi a mavitu,+ ayimbidi+ ye Anelevi+ bavewa mbebe zau za salu. 2 Ngiekekele kinkengi kia Yerusaleme kwa mpangi ame Kanani+ yo Kananiya wa mfidi a Mbongi,+ kadi Kananiya nkwa ziku, osundidi ayingi muna vumina Nzambi aludi.+ 3 Ibavovese vo: “E mavitu ma Yerusaleme ke mafwete ziulwa ko yavana o mwini ubaya, ekolo ayingidi bayingilanga, bafwete zika yelo yo bindika yo. Nutumbika esi Yerusaleme se ayingidi, akaka muna mayingidilu, akaka vana ntwal’a nzo zau.” 4 E mbanza yasanzuka ye yanene, kansi o nkangu wakala mo wandwelo,+ e nzo ke zatungululwa ko.

5 O Nzambi ame wasia mu ntim’ame e kani diakutakesa azitu ye alandi a nguvulu yo nkangu, kimana basonama mun’owu wa tuvila twau.+ I bosi, nsolwele nkand’a tuvila tw’awana bavita tomboka, mbwene vo muna nkanda wau mwasonama:

6 Wau i nkangu a mvivu una watuka muna kinkole, una Nebukandesa+ wa Ntinu a Babele kanata,+ ana bavutuka kuna Yerusaleme ye Yuda, konso muntu muna mbanza andi,+ 7 ana bayiza yo Zerubabele,+ Yesua,+ Nekemiya, Azariya, Rameya, Nakamani, Modekai, Bilesani, Miseperete, Bingevai, Nekume yo Bana.

Muna lutangu lwa Aneyisaele mwakala:+ 8 wan’a Parose, 2.172; 9 wan’a Sefateya, 372; 10 wan’a Araki,+ 652; 11 wan’a Pakati-moabe,+ wan’a Yesua yo wan’a Yoabe,+ 2.818; 12 wan’a Elame,+ 1.254; 13 wan’a Zatu, 845; 14 wan’a Zakai, 760; 15 wan’a Binui, 648; 16 wan’a Bebai, 628; 17 wan’a Azengade, 2.322; 18 wan’a Adonikami, 667; 19 wan’a Bingevai, 2.067; 20 wan’a Adini, 655; 21 wan’a Ate, muna nzo a Kizekeya, 98; 22 wan’a Kasumi, 328; 23 wan’a Bezai, 324; 24 wan’a Karifi, 112; 25 wan’a Ngibone,+ 95; 26 esi Beteleme ye Netofa, 188; 27 esi Anatote,+ 128; 28 esi Beta-zemavete, 42; 29 esi Kireyate-yarimi,+ Kefera yo Berote,+ 743; 30 esi Rama yo Ngeba,+ 621; 31 esi Mikemasi,+ 122; 32 esi Betele+ ye Ai,+ 123; 33 esi Nebo yankaka, 52; 34 wan’a Elame wankaka, 1.254; 35 wan’a Karimi, 320; 36 wan’a Yeriko, 345; 37 wan’a Lode, Kadidi yo Ono,+ 721; 38 wan’a Sena, 3.930.

39 Anganga:+ wan’a Yedaya muna nzo a Yesua, 973; 40 wan’a Ime, 1.052; 41 wan’a Paseku,+ 1.247; 42 wan’a Karimi,+ 1.017.

43 Anelevi:+ wan’a Yesua, wa kanda dia Kademiele,+ muna wan’a Odeva, 74. 44 Ayimbidi:+ wan’a Asafi,+ 148. 45 Ayingidi a mavitu:+ wan’a Salumi, wan’a Ate, wan’a Talemone, wan’a Akubi,+ wan’a Katita, wan’a Sobai, 138.

46 Selo ya tempelo:*+ wan’a Sika, wan’a Kasufa, wan’a Tabaote, 47 wan’a Kerose, wan’a Sia, wan’a Padone, 48 wan’a Lebana, wan’a Kangaba, wan’a Salemai, 49 wan’a Kanane, wan’a Ngidele, wan’a Ngaka, 50 wan’a Raya, wan’a Resine, wan’a Nekoda, 51 wan’a Ngazami, wan’a Uza, wan’a Paseke, 52 wan’a Besai, wan’a Amuni, wan’a Nefusesime, 53 wan’a Bakebuke, wan’a Kakufa, wan’a Kanku, 54 wan’a Baseleti, wan’a Mekida, wan’a Karesa, 55 wan’a Bakose, wan’a Sisera, wan’a Tema, 56 wan’a Nesika, wan’a Katifa.

57 Wan’a selo ya Solomo:+ wan’a Sotai, wan’a Soferete, wan’a Pereda, 58 wan’a Yala, wan’a Dakone, wan’a Ngidele, 59 wan’a Sefateya, wan’a Katile, wan’a Pokere-asebai, wan’a Amone. 60 Selo yawonso ya tempelo*+ yo wan’a selo ya Solomo, 392.

61 Awaya i wantu batomboka tuka Tele-malake, Tele-karesa, Kerube, Adone ye Ime, kansi ke balenda songa luvila lwau ko ye nzo za mase mau, muna zaya kana vo Aneyisaele bakala:+ 62 wan’a Delaya, wan’a Tobiya, wan’a Nekoda, 642. 63 Anganga: wan’a Kabaya, wan’a Akose,+ wan’a Bazilai,+ ona wabonga nkento muna wan’amakento a Bazilai wa Mungiladi yo yikilwa muna nkumbu au. 64 Awonso awaya bavava luvila lwau muna nkand’a tuvila, kansi ke basolola lo ko, muna kuma kiaki bakatulwa muna salu kia kinganga.*+ 65 O nguvulu*+ wabavovesa vo ke badie lekwa yavauka+ ko yavana vemoneka nganga ona oyuvula Urimi ye Tumimi.+

66 O lutangu lwa nkutakani yawonso, 42.360,+ 67 lembi tanga ntaudi zau zamakala ye zamakento,+ yau awonso, 7.337; bakala mpe ye 245 dia ayimbidi amakala ye amakento.+ 68 E mvalu miau, 736, e mula zau, 245, 69 e samo zau, 435, mabuluku mau, 6.720.

70 Ankaka muna ntu mia nzo za mase bavene tukau mu kuma kia salu.+ O nguvulu* wavana muna lundilu 1.000 dia drakima* ya wolo, 50 ma pidi ye 530 ma yinkutu ya nganga.+ 71 Akaka muna ntu mia nzo za mase bavana muna lundilu dia salu, 20.000 ma drakima za wolo ye 2.200 za mina* za palata. 72 O nkangu wankaka bavana, 20.000 ma drakima za wolo ye 2.000 ma mina za palata ye 67 ma yinkutu ya nganga.

73 Anganga, Anelevi, ayingidi a mavitu, ayimbidi+ ye ankaka muna nkangu, selo ya tempelo* ye ankaka muna Aneyisaele* bayantika zingila muna mbanza zau.+ E ngonde ya nsambwadi vava yalwaka,+ Aneyisaele bazingilanga muna mbanza zau.+