Wanzole wa Ntinu
11 Ataleya+ wa ngudi Akaziya vava kamwene vo mwan’andi ofwidi,+ otelamene, ofwasidi luvila lwawonso lwa Kintinu.*+ 2 Kansi, Yoseba wa mwan’ankento a Yorame wa Ntinu, wa nsang’a Akaziya, obongele Yoase+ wa mwan’a Akaziya vana vena wan’a ntinu ana bevondwa, unswekele yo ndezi andi muna suku. Bakwamanene kunsweka mu kuma kia Ataleya, i dianu vo kavondwa ko. 3 Oswekamene yandi mu mvu sambanu muna nzo a Yave, ekolo Ataleya kayalanga e nsi.
4 Muna mvu una wa nsambwadi, Yoyada obokelese mfumu za nkama za esi Kara ana bayingilanga o ntinu ye ayingidi*+ a lûmbu lwa ntinu, bezidi kwa yandi muna nzo a Yave. Okangidi yau e kangu yo kubadisisa e ndofi muna nzo a Yave, i bosi ubasongele mwan’a ntinu.+ 5 Ubakanikini vo: “I wau wuwu nuvanga: E buka kiantete vovo nuina, ana bekala mu salu muna Lumbu kia Vundu, beyingila e nzo a* ntinu,+ 6 e buka kiazole kikala kuna Vitu dia Nkubilwa, e buka kiatatu kikala kuna vitu kuna nima ayingidi a lûmbu lwa ntinu. Nuvingaziananga muna yingila e nzo. 7 E buka yole ina ke ikala mu salu ko muna Lumbu kia Vundu, ifwete toma yingila e nzo a Yave muna tanina ntinu. 8 Nuzunga o ntinu, konso muntu ye nuaninua yandi vana moko. Konso muntu okota muna nukala, kafwete vondwa. Nukala yo ntinu konso kuna kekwenda.”*
9 Mfumu za nkama+ bavangidi una bakanikinu kwa Yoyada wa nganga. Dianu vo, konso nganga obokele akwandi ana bakala mu salu muna Lumbu kia Vundu, kumosi y’awana ke bakala mu salu ko muna Lumbu kia Vundu, bezidi kwa Yoyada wa nganga.+ 10 Nganga ovene kwa mfumu za nkama, madionga ye ngubu zavindumuka za Davidi wa Ntinu zina zakala muna nzo a Yave. 11 Ayingidi a lûmbu+ lwa ntinu bakiatamene, konso muntu ye nuaninua yandi vana moko, bakiatamene tuka kuna lunene lwa nzo yakuna lumonso lwa nzo, vana ndambu a ziku,+ vana ndambu a nzo, yau awonso bazungidi o ntinu. 12 I bosi, Yoyada ovaikisi mwan’a ntinu,+ umvuikidi kolowa* ye Kimbangi,*+ bantumbikidi se ntinu yo kunkusa mazi. Bayantikidi sika makonzo yo vova vo: “Zinga kwaku e ntinu!”+
13 Ataleya vava kawidi mazu ma nkangu ulundumukanga, vana vau wizidi kwa nkangu muna nzo a Yave.+ 14 I bosi, omwene ntinu otelamene vana lunzi mun’owu wa fu kia atinu.+ Amfumu ye asiki a mpungi+ bakedi yo ntinu, nkangu wawonso ukembelanga yo sika mpungi. Muna kuma kiaki, Ataleya otiazwini mvuatu miandi, okazidi oku vo: “Ntelameno! Ntelameno!” 15 Kansi, Yoyada wa nganga wakanikina mfumu za nkama+ ana bakala akengi a makesa, wabavovesa vo: “Nunkatula vana kati kwa makesa. Konso ona okunlanda kafwete vondwa muna nsosolo!” Kadi nganga wavova vo: “Ke vondelwa muna nzo a Yave ko.” 16 Ozevo, bambakidi yo kunata, vava balweke vana vekotelanga mvalu muna nzo a* ntinu,+ bamvondele vâna.
17 Yoyada okangidi kangu vana vena Yave yo ntinu yo nkangu+ vo bakala kaka nkangu a Yave. Okangidi mpe e kangu vana vena ntinu ye nkangu.+ 18 I bosi, nkangu wawonso a nsi wele kuna nzo* a Bale, babangwidi maziku mandi,+ bakosomwene e teke yandi,+ bavondele Matane wa ngang’a Bale+ vana ntwal’a maziku.
O nganga otumbikidi akengi a nzo a Yave.+ 19 Obongele mfumu za nkama,+ Anekara ana bayingilanga ntinu+ ye ayingidi a lûmbu lwa ntinu ye nkangu wawonso a nsi kimana bakulumuna ntinu tuka kuna nzo a Yave yakuna nzo a* ntinu muna nzil’a vitu dia ayingidi a lûmbu lwa ntinu. Ovuende vana kunda kia atinu.+ 20 O nkangu wawonso muna nsi uyangalele, e mbanza ivuvamene, kadi bavondele Ataleya muna nsosolo kuna nzo a ntinu.