Yesaya
O mwand’a zayi ye wa vumi wa Yave.
3 Oyangalela muna vumi wa Yave.+
Ke fundisila muna mbona meso ko,
Ngatu tumbila kaka mu dina kawidi.+
4 Ofundisila nsukami muna unsongi,
Otumbila kuna ziku muna wete dia alembami a nza.
5 O unsongi ukala se mponda muna luketo lwandi,
E ziku mpe se mpond’a luketo lwandi.+
6 E dievua dikala vamosi yo mwan’a meme,+
O ngo obubama vamosi yo mwan’a nkombo,
O mwan’a ngombe ye nkosi* ye bulu kia mazi, yau awonso bekala vamosi;*+
E kingiana-ngiana kikubafila.
7 E ngombe yo use bedila vamosi,
O wan’au bebubamena vamosi.
O nkosi odia e titi nga ngombe.+
8 O mwana oyemanga osakanena vana wulu dia mpidi,
O mwana watauka osia koko kwandi vana nu’a niok’a mânga a mpondi.
Ngatu fwasa konso lekwa muna mongo ame awonso wavauka,+
Kadi e nza izala kieleka yo zayi wa Yave
Wauna o maza mefukilanga kalunga.+
10 Muna lumbu kiakina, o mwanzi a Yisai+ utongama se sinsu* kwa minkangu.+
11 Muna lumbu kiakina, Yave olambula diaka o koko kwandi, mu nkumbu anzole, mu kûla e nsadisw’a nkangu andi ana basala muna Asuri,+ muna Engipito,+ muna Paterose,+ muna Kuse,+ muna Elame,+ muna Sina,* muna Kamati ye muna sanga ya mbu.+ 12 Otongeka sinsu* mu kuma kia zula yo kutakesa esi Isaele ana bamwangana,+ okutakesa esi Yuda ana bamwangana muna konko yá ya nza.+
13 E kimpala kia Eferaime kivila,+
Awana bebangikanga Yuda befukiswa.
Eferaime ke mwena Yuda kimpala ko,
Yuda mpe ke bangika Eferaime ko.+
14 Oyau benuanisa e miongo mia* Afelesetia kuna weste;
Ntwadi besanza o nkangu a Este.
Muna mpemon’andi ya tiya* owanda yo muna nkoko miandi nsambwadi,
Ye oviokesela mo wantu ye nsampatu zau.